29 чэрвеня на возеры Каташы ў Кобрынскім раёна патануў хлопец 1999 г. н.
![](http://nnexpictures.fra1.digitaloceanspaces.com/img/w732d4webp1/photos/z_2018_08/31_big-nkey0.jpg.webp)
Ілюстрацыйны здымак. Фота: Wikimapia
Паводле інфармацыі МНС, маладыя людзі адпачывалі на беразе возера, скакалі ў ваду з прывязанай да дрэва вяровачнай тарзанкі. У нейкі момант адзін з іх не вынырнуў.
Сябры знайшлі яго на адлегласці каля 2 метраў ад берага на глыбіні. Да прыбыцця брыгады хуткай яму аказвалі першую дапамогу. Але медыкі, што прыехалі, канстатавалі смерць.
Месца, дзе адбылася трагедыя, для купання не абсталяванае, паведамляе МНС.
Каментары