Алейнік пахваліўся Лаўрову, што малодшы сын Лукашэнкі ўжо крыху засвоіў кітайскую мову.
Мікалай Лукашэнка, які вывучае біятэхналогіі ў БДУ, паехаў у Пекінскі ўніверсітэт па праграме абмену. Хаа Пін, сакратар партыйнага камітэта Пекінскага ўніверсітэта, расказаў на БТ пра Колю:
«Ён, па-першае, вельмі сціплы. Ён нікому не кажа, што ён сын прэзідэнта. Калі б пра гэта даведаліся, ці магчыма было б наогул вучыцца? Я за ім назіраў — ён сапраўды вельмі добра вучыцца. Ён найлепшы студэнт на курсе. Вельмі ўдумлівы хлопец і сціплы».
У эфіры паказалі кадры, як былы міністр замежных спраў Сяргей Алейнік кажа кіраўніку расійскага МЗС Сяргею Лаўрову, што Мікалай ужо крыху засвоіў кітайскую мову.
«Гэта доўгі працэс», — удакладняе малодшы сын Лукашэнкі, які стаіць з імі.
Хаа Пін таксама дадаў, што яны спадзяюцца разам з БДУ стварыць сумесны даследчы цэнтр па біятэхналогіях.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары