Лукашэнка прызнаў, што мае патрэбу ў адпачынку і што вялікая колькасць людзей яго праклінае
Аляксандр Лукашэнка 6 ліпеня на свяце «Александрыя збірае сяброў» ускосна прызнаў, што мае праблемы са здароўем. Раней «Дождь» паведаміў, што Лукашэнку стала дрэнна ў Астане на саміце ШАС.
Выступаючы ў Александрыі, Лукашэнка паведаміў, што цяжка перанёс апошнія дні і хацеў бы некаторы час пабыць на ўсходзе Беларусі.
«Я хацеў бы з вамі падзяліцца сваімі думкамі. Яны для вас будуць, мусіць, вельмі важныя. Ліпень месяц — заўсёды цяжкія часы для прэзідэнта.
Вельмі шмат масавых мерапрыемстваў. А самае цяжкае — гэта калі вялізная колькасць людзей, і кожны, гледзячы на цябе, у табе нешта шукае: недзе праклінае, недзе дзякуе, недзе яшчэ нешта.
І гэтая велізарная колькасць людзей вельмі ўплывае на чалавека — асабліва такія, як парад і іншыя ўрачыстыя мерапрыемствы. І яшчэ дадаткова наклалася нагрузка, звязаная з Казахстанам, Астаной, за 4000 кіламетраў адсюль.
Я гэта гавару для таго, што цяжкія такія дні.
І, вяртаючыся дадому, я загадзя запланаваў тое, што я мушу прызямліцца тут. Аэрапорт добры, таму што на ўсходзе вельмі шмат назапасілася спраў. Ну і адсюль у бліжэйшыя часы буду працаваць, глядзець, як мы рыхтуемся да ўраджаю», — сказаў ён.
Лукашэнка дадаў, што на роднай зямлі ён хутка ачуняе.
«І пасля гэтай вось нагрузкі калі ты прыходзіш на сваю родную зямлю, ты як быццам акунаешся ў іншы свет. Гэта, на самай справе не нібыта — гэта іншы свет. Ты прыходзіш да сваіх вытокаў, тут табе лепш, прасцей. І літаральна за суткі ты становішся здаровым, моцным. Як і раней, у тыя часы, калі ты хадзіў па гэтай зямлі. Ты вельмі хутка аднаўляешся», — прызнаўся Лукашэнка.
5 ліпеня тэлеканал «Дождж» паведаміў, што стан Лукашэнкі падчас візіту на саміт ШАС у Астане стала кепска.
«Кубло такое». З перапісак Кабанчука робіцца ясна, чаму Верамейчыка палічылі небяспекай і забаранілі яму ўезд ва Украіну33
Каментары