Кожныя выхадныя ў Беларусі па рэках на байдарках сплаўляецца каля 8 тысяч чалавек. Попыт вялікі: у Мінску знайсці свабодную байдарку ў сезон рэальна толькі за месяц да планаванага сплаву. Пра гэта паведамляе Рэспубліканскі саюз туріндустрыі са спасылкай на старшыню Мінскага аддзялення Рэспубліканскага турысцка-спартыўнага саюза Аляксея Фіксюка.
Паводле слоў Аляксея Фіксюка, у распараджэнні юрыдычных асоб па краіне — каля 3,5−4 тыс. байдарак. Пры гэтым завезці новыя ў краіну складана. Байдаркі знаходзяцца ў санкцыйным спісе, у самой Беларусі пластыкавыя не выпускаюць, а са шклапластыку яны недаўгавечныя. Расійскія ж надзіманыя занадта дорага каштуюць.
Арэнда байдаркі на выхадныя, напрыклад, у Гродне абыдзецца ў 120 рублёў. Месца ў байдарцы з паслугамі інструктара каштуе 40 рублёў за 1,5 гадзіны.
Асабліва папулярнымі сталі сямейныя сплавы.
«Сёлета нават давялося закупіць дзясятак байдарак-троек для мамы, таты і дзіцяці, з магчымасцю даўкамплектавання да чатырохмясцовай, — адзначае намеснік старшыні Гродзенскага абласнога аддзялення ГА «Рэспубліканскі турысцка-спартыўны саюз» Сяргей Каляда. — Раней такой тэндэнцыі не назіралася. Прыязджаюць па 3-4 сям'і і выбіраюць актыўны адпачынак, а не «чарку-скварку», што радуе».
Акрамя прафесійных клубаў, цяпер з'явіліся і прыватныя асобы, якія проста здаюць байдаркі ў арэнду, дазваляючы арандатарам плыць куды заўгодна і выходзіць дзе заўгодна. Гэта выклікае неабходнасць рэгулявання, аднак, на думку Аляксея Фіксюка, калі абмежаваць арэнду байдарак толькі паслугамі прафесійных інструктараў, то развіццё байдарачнага турызму затармазіцца.
Акрамя таго, прафесіяналы турбізнэсу прапануюць дазволіць у Беларусі сплавы на байдарках падчас нерасту. Праз яго ў красавіку — маі рэкі закрытыя. Паводле іх слоў, вясло — не матор, байдаркі не перашкаджаюць рыбам нераставаць. Тым больш, што на сапборды ў гэты час забароны няма, паколькі яны, у адрозненне ад байдарак, не лічацца маламернымі суднамі.
Цяпер чытаюць
Польшча адкрывае два пераходы на мяжы з Беларуссю, але пакуль з вялікімі абмежаваннямі8
Каментары
отдыхать, так отдыхать! Не долго природе осталось - всё битым стеклом засриом
пусть дети ноги режут -зато мы, бухие в жиоппу, отдохнули
Не нужно обвинять меня в том чем вы сами походу являетесь. По себе судите..