Пра змены расказала Ала Дашкевіч, намесніца галоўнага доктара эпідэміялогіі Рэспубліканскага цэнтра гігіены, эпідэміялогіі і грамадскага здароўя.
Нацыянальны каляндар прышчэпак дапоўняць трыма пазіцыямі.
Так, у каляндар дададуць вакцынацыю супраць пнеўмакокавай інфекцыі ўсіх дзяцей ва ўзросце да года. Рабіць яе будуць у 2, 4 і 12 месяцаў. Пакуль такія прышчэпкі прадугледжаны ў групах рызыкі за кошт бюджэту.
Яшчэ адна навацыя — увядзенне бустэрнай вакцынацыі супраць коклюшу (кохліку). Яе будуць рабіць дзецям ва ўзросце шасці гадоў, бо нярэдка хварэюць падлеткі.
Дададуць у каляндар таксама прышчэпкі супраць інфекцыі, выкліканай вірусам папіломы чалавека (ВПЧ-інфекцыя), дзяўчынкам 11 гадоў. Гэта тлумачаць неабходнасцю сфармаваць абарону да пачатку палавога жыцця.
Акрамя таго, у гэтым жа ўзросце дзецям робяць прышчэпкі супраць дыфтэрыі і слупняка, што дазволіць сумясціць вакцынацыю.
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента29
Каментары