Сілавікі затрымалі мінчука, які трапіў на сумнавядомага правакатара ў чат-рулетцы. Яго прымусілі сказаць, што ён любіць Расію
Таксама яго ўнеслі ў «спісы здраднікаў».
Жыхар Мінска ў чат-рулетцы трапіў на правакатара Юрыя Комара. Ён вядомы тым, што прадстаўляецца ўкраінцам, выводзіць суразмоўцаў на размовы пра вайну і пратэсты, а затым іх затрымліваюць сілавікі.
Мінчук у гутарцы з Комарам распавёў, што хадзіў на пратэсты, падтрымлівае ў вайне Украіну і полк Каліноўскага.
На відэа, апублікаваным блізкім да губазіка канале, мужчыну прымусілі сказаць пра «любімую Расію». Аўтары канала заявілі, што мінчука ўнясуць у «спісы здраднікаў».
У якім статусе знаходзіцца затрыманы і што канкрэтна яму ставяць у віну, невядома.
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі4
Каментары