Пад Брэстам бус сутыкнуўся з грэйдарам — пацярпелі жанчына і шэсць яе дзяцей
Пасажырка легкавога аўтамабіля і шасцёра яе непаўналетніх дзяцей атрымалі траўмы ў выніку ДТЗ у Брэсцкім раёне, паведамілі ў прэс-службе Следчага камітэта Беларусі. Аварыя адбылася днём у пятніцу, 12 ліпеня, каля вёскі Братылава, якая знаходзіцца за тры кіламетры ад абласнога цэнтра.
«Пяцідзесяцідвухгадовы кіроўца, кіруючы грэйдэрам, сутыкнуўся з мікрааўтобусам Mercedes-Benz пад кіраваннем 29-гадовага мужчыны», — сказалі ў СК.
Там таксама адзначылі, што ад удару мікрааўтобус з'ехаў у левы кювет і перакуліўся.
У ДТЗ пацярпелі пасажыры аўто — 27-гадовая жанчына і шэсць яе дзяцей (ва ўзросце ад 10 месяцаў да 8 гадоў). Цяпер ім аказваецца неабходная медыцынская дапамога.
Паводле папярэдніх звестак, дзеці перавозіліся ў мікрааўтобусе без аўтакрэслаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі83
Каментары