У Беларусі пачасціліся выпадкі разліку сувенірнымі банкнотамі ў крамах і таксі.
МУС ініцыявала забарону на продаж сувенірных грошай. Усё з-за росту колькасці выпадкаў разліку банкнотападобнымі вырабамі пры куплі тавараў і паслуг.
Па звестках міліцыі, за паўгода зарэгістравана 340 выпадкаў збыту такой прадукцыі. 132 з іх склалі банкнатападобныя вырабы, якія пераймаюць выгляд беларускіх рублёў.
Гаворка ідзе пра так званыя «дублі» і «цублі». Такія сувенірныя банкноты выглядаюць як беларускія рублі. Вось толькі на банкноце напісана не «100 рублёў», а «100 дублёў». І выраблены яны з таннай паперы.
У МУС адзначаюць, што касіры часта не правяраюць сапраўднасць банкнот. За гэта, дарэчы, прадугледжана адміністрацыйная адказнасць.
У 2024 годзе ў дачыненні да асоб, якія ўсведамлялі, што разлічваюцца сувенірнымі рублямі, узбуджаны дзве крымінальныя справы за махлярства, яшчэ двое грамадзян прыцягнуты да адміністрацыйнай адказнасці за дробны крадзеж.
Цяпер МУС хоча забараніць продаж сувенірных грошай на тэрыторыі Беларусі. Ці гаворка ідзе толькі пра падобныя на беларускія рублі, ці пра ўсе віды такіх «банкнотаў», пакуль невядома.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся1
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары