Апошнімі днямі распаўсюджваецца версія, што прысуджанага да смяротнага пакарання ў Беларусі грамадзяніна Германіі Рыка Крыгера могуць абмяняць на афіцэра расійскіх спецслужбаў Вадзіма Красікава. Чым адметны гэты чалавек?
Вадзім Красікаў нарадзіўся ў 1965 годзе на тэрыторыі Казахстана. Служыў у войсках спецыяльнага прызначэння. Быў двойчы жанаты, бацька траіх дзяцей. Расійскія журналісты дапускаюць, што Красікаў яшчэ з 2007 года быў звязаны з элітным атрадам спецназу ФСБ Расіі «Вымпел».
У біяграфіі Красікава некалькі эпізодаў, звязаных з забойствамі. Так, у 2007 годзе ён разам з двума саўдзельнікамі забіў прадпрымальніка і дэпутата горада Кастамукша (Карэлія) Юрыя Казлова.
У 2014 годзе яго саўдзельнікі былі затрыманы. Тады высветлілася, што яны — супрацоўнікі ФСБ, якія праходзілі службу ў «Вымпеле». Праз некаторы час мужчыны былі вызваленыя з СІЗА.
Праз пяць гадоў, у 2013 годзе, Вадзім Красікаў стаў галоўным падазраваным у замаху на бізнэсмена з Нальчыка Альберта Назарава, якога застрэлілі ў Маскве. Забойца пад'ехаў да Назарава на веласіпедзе і некалькі разоў выстраліў у яго.
У 2014 годзе Красікаў быў абвешчаны расійскай паліцыяй у вышук праз Інтэрпал. Па невядомых прычынах у 2015 годзе ордар на вышук быў адкліканы. Але здымак мужчыны захаваўся ў базах даных Інтэрпала, што дапамагло яго ідэнтыфікаваць праз пяць гадоў.
У 2019 годзе ахвярай Красікава стаў былы чачэнскі палявы камандзір, ураджэнец Грузіі Зелімхан Хангашвілі. Расійскія баевікі пераследавалі Хангашвілі спачатку ў Грузіі, дзе ён перажыў замах, потым ва Украіне і нарэшце ў Германіі, дзе Хангашвілі падаў прашэнне аб палітычным прытулку і пражываў са снежня 2016 года пад чужым імем.
Крэмль заяўляў, што некалькі разоў накіроўваў у Германію запыты аб выдачы Хангашвілі як датычнага да «надзвычай крывавых тэрарыстычных актаў і масавых забойстваў». Пуцін гаварыў, што Хангашвілі быў адным з арганізатараў выбухаў у маскоўскім метро.
Як высветліў суд, Красікаў прыехаў у Еўропу па пашпарце на імя Вадзіма Сакалова — інжынера-будаўніка з Бранска — і па французскай візе.
23 жніўня 2019 года кілер пад'ехаў на веласіпедзе да Хангашвілі, які накіроўваўся пешшу праз парк Тыргартэн на пятнічную малітву ў мячэць. Зрабіў тры стрэлы з пісталета, у выніку якіх мужчына быў забіты на месцы.
Знікнуць Красікаву перашкодзілі два выпадковыя сведкі. Яны паведамілі паліцыі пра чалавека, які ў кустах на беразе Шпрэе выкінуў у ваду веласіпед і пісталет, зняў парык і хутка пераапрануўся. Неўзабаве Красікаў быў затрыманы.
Прыгавор Красікаву был вынесены ў 2021 годзе. Ён атрымаў пажыццёвае зняволенне. Нямецкія суддзі заявілі, што мужчына дзейнічаў па заданні расійскіх уладаў, якія далі яму фальшывае пасведчанне асобы, пашпарт і рэсурсы для здзяйснення забойства.
Масква раней прыкладала намаганні, каб вымяняць Красікава, напрыклад, на амерыканскага журналіста Гершковіча, асуджанага ў Расіі за шпіянаж. У лютым 2024 года з'явілася інфармацыя, што вяліся перамовы аб абмене Вадзіма Красікава на Аляксея Навальнага.
Брэсцкі дэпутат пабудаваў элітны дом на набярэжнай. Цэны могуць шакаваць нават мінчукоў9
Каментары