У Беларусі змянілі правілы абмену валют. Тры галоўныя новаўвядзенні
Нацбанк змяніў інструкцыю аб правядзенні валютна-абменных аперацый. Дакумент апублікаваны на Нацыянальным прававым партале.
У інструкцыі з'явіўся пункт, які дазваляе касірам у абменных пунктах не купляць у фізічных асоб наяўную замежную валюту, «попыт на якую з'яўляецца нязначным і афіцыйны курс беларускага рубля ў адносінах да якой вызначаецца Нацыянальным банкам штомесяц».
Спіс такіх валют вызначаецца асобнай пастановай рэгулятара. Напрыклад, цяпер у ім такія рэдкія валюты, як індыйская рупія, мангольскі тугрык, румынскі лей, алжырскі дынар, венгерскі форынт і інш.
Таксама ўдакладнілі падыход да інфармацыі аб курсах у абменніках. Дакумент дазваляе ўказваць курс на спецыяльным электронным табло, што многія банкі ўжо рабілі і раней.
Аднак у інструкцыі прапісана, што прадастаўленне рознай інфармацыі аб курсах на табло і інфармацыйных стэндах у абменным пункце не дапускаецца.
Акрамя таго, у дакуменце асобна распісалі правілы абмену валют з дапамогай плацежных інструментаў, у тым ліку ў мабільным дадатку банка. Пры гэтым банкі абавязкова павінны папярэджваць, па якім курсе прапануюць абмяняць валюту.
Але калі ў выніку збою тэрмінала або іншага інструмента курс не паказалі, кліент мае права патрабаваць адмены такой аперацыі або выплаты розніцы паміж спісанай і якая падлягае спісанню сумы.
Удакладняецца, што на суму грашовых сродкаў, якая падлягае выплаце, банк налічае і выплачвае працэнты за карыстанне чужымі грашыма за дні з моманту паступлення патрабавання кліента да таго моманту, пакуль грошы не будуць залічаны на рахунак кліенту.
Дакумент уступае ў сілу праз тры месяцы пасля афіцыйнага апублікавання..
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы22
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары