Асуджанага на 23 гады палітвязня Малейчука трэці раз будуць судзіць за «злоснае непадпарадкаванне адміністрацыі калоніі»
Палітвязня Вячаслава Малейчука трэці раз будуць судзіць за «злоснае непадпарадкаванне адміністрацыі калоніі»
10 лютага 2023 года Вячаслава, асуджанага да 23 гадоў калоніі, прызналі вінаватым паводле арт. 411 КК. Суддзя Мікалай Сяргейка прызначыў яму 1 год калоніі. Пасля прысуду Малейчука накіравалі ў папраўчую калонію № 9 у Горкі. Там літаральна праз некалькі месяцаў супраць яго завялі ўжо другую запар крымінальную справу па ч. 2 арт 411 КК, піша «Вясна».
Наступны суд над ім адбыўся 23 жніўня мінулага года Мікалай сваю віну не прызнаў. Суддзя Алена Вераб'ёва дадала да 23 гадоў калоніі яшчэ 2 гады пазбаўлення волі.
Цяпер стала вядома, што ў судзе Мазырскага раёна 7 жніўня над палітвязнем адбудзецца ўжо трэці суд за «непадпарадкаванне адміністрацыі». Справу будзе разглядаць суддзя Анатоль Стрэльчанка. Мікалаю могуць дадаць яшчэ 2 гады зняволення.
***
26 сакавіка 2021 года МУС заявіла, што прадухіліла тэракты ў Чыжоўцы і ў вайсковай частцы ў Печах. На відэа паказалі Вячаслава Малейчука, які казаў, што атрымаў загад ад кагосьці з «Байпол».
Пасля затрымання КДБ уключыў Вячаслава і астатніх фігурантаў гэтай справы ў спіс асобаў, якія «маюць дачыненне да тэрарыстычнай дзейнасці».
Судовая калегія пад старшынствам суддзі Уладзіміра Арэшкі 30 траўня 2022 г. прызначыла яму пакаранне ў выглядзе 22 гадоў калоніі ва ўмовах строгага рэжыму. Суд доўжыўся ў закрытым рэжыме тры тыдні.
Месца ўтрымання: ПК №20, 247755, Гомельская вобл., Мазырскі р-н, Міхалкоўскі сельсавет, 70
Цяпер чытаюць
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры3
Каментары