Браканьеры ў Паўднёвай Афрыцы атрымалі да 50 гадоў за забойства насарогаў
Суд палічыў, што пакаранне суразмернае злачынствам.
Суд у ПАР прысудзіў траіх браканьераў да шматгадовых тэрмінаў за забойства белых насарогаў, паведамляе Расійская служба Радыё Свабода.
Дамінік Маізі, Лвазі Маламбе і Аянда Нгамане атрымалі 50 гадоў, 33 гады і 21 год пазбаўлення волі адпаведна.
Акрамя непасрэдна палявання на насарогаў, ім выставілі абвінавачванні ў незаконным валоданні зброяй, у змове з мэтай злачынства і каля дзясятка іншых злачынстваў.
Мнісі і Маламбе затрымалі ў Нацыянальным парку Кругера ў студзені 2017 года. Пры іх былі вінтоўка, патроны і чатыры свежазрэзаныя насарогавы рогі. Непадалёк ад месца іх затрымання знайшлі двух застрэленых белых насарогаў. Абодвух абвінавачаных адпусцілі пад заклад на час разбору.
У 2019 годзе ахоўнікі парку выявілі яшчэ аднаго забітага насарога са спілаванымі рагамі. Браканьераў высачыў сабака-сышчык. Імі аказаліся Мнісі і яго новы саўдзельнік Нгамане. У іх канфіскавалі вінтоўку, патроны, нож і два рогі.
«Я раскайваюся і зразумеў, што здзяйсняць злачынствы кепскаа», — заявіў на апошнім пасяджэнні суда Мнісі. Яго словы паўтарылі саўдзельнікі.
Суд палічыў, што іх словы больш падобныя на шкадаванне, што іх злавілі, чым на шчырае раскаянне, і адзначыў, што пакаранне суразмерна злачынствам.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары