Спорт44

Алімпіяду ў Парыжы закрыюць зоркі? Што вядома пра шоу ў нядзелю

Зоркі першай велічыні і відовішчнае двухгадзіннае шоу чакаюць удзельнікаў і гледачоў Алімпіяды заўтра. Цырымонія закрыцця, упэўненыя французскія ўлады, чарговым разам «аслепіць усіх».

Цырымонія адкрыцця ўразіла многіх

Цырымонія адкрыцця Алімпіяды ў Парыжы стала яркай культурнай падзеяй, спрэчкі вакол якой не сціхаюць па гэты дзень. З'явіліся незадаволеныя, і да справы падключылася французская паліцыя; там завялі справу пра пагрозы ў адрас мастацкага кіраўніка шоу Тама Жалі і яго каманды, піша Euronews.com

Цяпер Францыя і свет рыхтуюцца да закрыцця Гульняў, яно адбудзецца 11 жніўня ў нядзелю (пачатак а 21:15 па мінскім часе). Паводле Le Parisien, на шоу выступяць дзве культавыя французскія групы, Phoenix і AIR, вядомыя сваімі эксперыментамі з гукам.

Ці так гэта, свет даведаецца толькі ў нядзелю. Пакуль афіцыйна пра цырымонію вядома толькі тое, што яна носіць назву Records, доўжыцца дзве гадзіны і пройдзе на стадыёне Stade de France. Міністр спорту Францыі Амелі Удэа-Кастэра ўжо заявіла Радыё France Info, што «абсалютна ўпэўненая»: «Жалі і яго каманда зноў «аслепяць усіх».

Фота: Chris Pizzello / AP

Сярод зорак, якія могуць з'явіцца на цырымоніі, крыніцы называюць Снуп Дога і саму Тэйлар Свіфт. Апошняя ўжо прымала ўдзел у прома-роліках у падтрымку каманды ЗША. Журналісты мяркуюць, што зорка прыляціць на нядзельны выступ з Вены, дзе адмянілі яе канцэрты.

Раян Гослінг і Марго Робі. Фота: Wiktor Szymanowicz/Anadolu Agency via Getty Images

Сярод іншых зорак, заўважаных у Парыжы, як мяркуецца, для ўдзелу ў цырымоніі закрыцця — рэжысёр фільма «Барбі» Грэта Гервіг, а таксама Мішэль Йеа, Раян Гослінг і Ева Мендэс. Хадзілі чуткі, што на шоу 11 жніўня можа прыляцець і сам Леанарда Ды Капрыа.

Французскі аргкамітэт каментароў чакана не дае. Аднак там пацвердзілі, што Stade de France будзе пераўтвораная ў гіганцкую канцэртную залу, у якой разам з зоркамі першай велічыні выступяць сотні артыстаў, танцораў і цыркачоў.

Тома Круза (злева) фатаграфуюць гледачы спаборніцтваў у Парыжы. Фота: Charlie Riedel / AP

Адразу некалькі крыніц кажуць, што на цырымоніі дакладна будзе Том Круз, які выканае небяспечны трук. Кажуць і тое, што скачок настолькі сур'ёзны, што не выключана прыцягнення каскадзёраў…

Так ці інакш тым Круз відавочна захоплены ідэяй Алімпіяды, ён быў заўважаны на многіх падзеях цяперашніх гульняў. А ў 2004 годзе ён дапамог пранесці паходню з алімпійскім агнём праз Лос-Анджэлес у рамках сусветнай эстафеты перад летнімі Алімпійскімі гульнямі ў грэцкіх Афінах.

Каментары4

  • бабруйчанін
    10.08.2024
    Нажаль ні дажыў ні убачыл ....Бора Маісееў
  • Человек
    10.08.2024
    Лишь бы не трансы
  • Dog
    10.08.2024
    Давайте закрывайтесь побыстрее. Жалкое такое зрелище парижская олимпиада.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць