Галоўчанка: Сітуацыя на валютным рынку ўстойлівая, расце давер да беларускага рубля
За студзень-чэрвень ВУП Беларусі вырас на 5% пры прагнозе 3%.
Сітуацыя на валютным рынку ўстойлівая, расце давер насельніцтва да беларускага рубля. Пра гэта заявіў прэм'ер-міністр Беларусі Раман Галоўчанка падчас пасяджэння ўрада, піша БелТА.
«На парадку дня разгляд вынікаў сацыяльна-эканамічнага развіцця Беларусі за першае паўгоддзе. Вынікі студзеня-чэрвеня вядомыя. У цэлым яны нядрэнныя. Калі коратка, то з пяці найважнейшых паказчыкаў эфектыўнасці работы ўрада і Нацыянальнага банка выканана чатыры. Пяты паказчык — экспарт — недавыкананы зусім крыху», — сказаў Раман Галоўчанка.
За студзень-чэрвень ВУП Беларусі вырас на 5% пры прагнозе 3%. Ва ўсіх абласцях і Мінску забяспечаны рост валавога рэгіянальнага прадукту. Заданне выканана ўсімі рэгіёнамі, за выключэннем Гомельскай вобласці — 102,1% пры заданні 102,8%.
Высокія тэмпы росту забяспечаны ў прамысловасці (107,1%), сельскай гаспадарцы (109,7%), будаўніцтве (108,8%) і гандлі (111%).
«Дзякуючы прынятым намі сумесна з Нацыянальным банкам мерам у краіне забяспечваецца і макраэканамічная стабільнасць. Усе расходныя абавязацельствы бюджэту сацыяльнага характару выконваюцца своечасова і ў поўным аб'ёме. Сітуацыя на валютным рынку ўстойлівая, расце давер насельніцтва да нацыянальнай валюты. З пачатку года ўклады грамадзян у беларускіх рублях выраслі на Br1,4 млрд, або на 17,5%», — адзначыў прэм'ер-міністр.
За мінулы перыяд золатавалютныя рэзервы павялічыліся на $400 млн і на 1 жніўня склалі $8,5 млрд. Інфляцыя знаходзіцца ў рамках прагнозу: у чэрвені да снежня яе ўзровень склаў 3,4% пры заданні не больш за 3,9%.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны14
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары