Павел Шурмей, які замяняе камандзіра, расказаў, што адбываецца ў палку Каліноўскага
«Полк імкнецца пазбавіцца людзей, якія бачылі яго сваім прыватным войскам».
Выканальнік абавязкаў камандзіра палка Каліноўскага Павел «Дзядзька» Шурмей у інтэрв'ю радыё «Рацыя» расказаў, што цяпер баявыя падраздзяленні палка працуюць разам над выкананнем баявой задачы на ўсходзе Украіны.
Адносна актуальнай сітуацыі ў палку Шурмей прызнаў, што «ёсць пытанні і праблемы», якія імкнуцца вырашыць як мага хутчэй. Цяпер у палку адбываюцца рэформы, і «ёсць тыя, хто імі не задаволены, лічаць, што яны не патрэбныя».
Па словах Шурмея, полк імкнецца «пазбавіцца людзей, для якіх мэтай было не вызваленне Беларусі, а якія мелі нейкія свае ўласныя мэты адносна палка, бачылі яго сваім прыватным войскам».
Выканальнік абавязкаў камандзіра расказаў, што ў складзе палка ёсць пяхотнае падраздзяленне, артылерыя, падраздзяленні БПЛА, медыкі, сувязь, механізаваныя сродкі.
Шурмей дадаў, што танкаў полк не мае, бо іх няма дзе выкарыстоўваць. «А знішчальнікі абяцалі ў хуткім часе нам даць. З гэтым таксама ўсё будзе добра», — запэўніў ваяр.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя8
Каментары
Сёння ў ЗСУ, заўтра дамой на танку.
Курская вобласць таксама свята верыла, што ЗСУ ў вакно не пабачыць, а толькі па тэлевізары.