Фота з пустым пастаментам у Суджы, на якім раней стаяў помнік Леніну, распаўсюдзілася па сацсетках 16 жніўня. Але высветлілася, што Ленін нікуды не знік.
Паведамленне аб зносе помніка ў цэнтры горада Суджы, якое цяпер кантралююць украінскія войскі, апублікавалі шэраг медыя, дарадца кіраўніка офіса прэзідэнта Украіны Дар'я Зарыўна і Мінкульт, але неўзабаве яго выдалілі.
Украінская служба BBC змагла праверыць гэтую інфармацыю. Крыніца медыя ў Суджы даслала відэа, знятае пасля абеду 17 жніўня, на якім відаць: помнік — на месцы, хоць і некалькі дзіравы з-за баявых дзеянняў.
А калі б яго знеслі ўкраінцы, гэта было б незаконна, сцвярджае член камітэта па нацбяспецы і абароне Фёдар Веніслаўскі.
«Я думаю, пасля стварэння ваеннай камендатуры, камендант і яго падначаленыя будуць сачыць за тым, каб помнікі культуры любыя, як бы яны нам падабаліся ці не падабаліся, не знасіліся, ні парушаліся нормы гуманітарнага права. Гэта можа быць расцэнена як парушэнне нормаў міжнароднага гуманітарнага права», — сказаў чыноўнік.
Каментары