Сілавікі пералавілі лідараў «праваслаўна-імперскай» секты. Будынкі бралі штурмам
Супрацоўнікі ГУБАЗіК МУС пры сілавой падтрымцы атрадаў спецпрызначэння ўнутраных войскаў і байцоў АМАПа ў розных рэгіёнах затрымалі 11 чалавек-лідараў і актыўных функцыянераў міжнароднай секты, якія адказвалі за працу беларускай ячэйкі, паведамляе МУС.
Учора стала вядома, што суполка «Руская праваслаўная царква — царская імперыя» прызнаная экстрэмісцкім фармаваннем.
У Беларусі арганізацыя дзейнічала з мая мінулага года і налічвае каля 50 прыхільнікаў, паведамляе МУС.
Усе яны адмовіліся ад дакументаў і каштоўнасцяў на карысць абшчыны, будучы ўпэўненымі, што гэта праваслаўная царква.
Зараз правяраецца інфармацыя аб здзяйсненні ашуканскіх дзеянняў у дачыненні да грамадзян і іх маёмасці, распальванні рэлігійнай варожасці, а таксама закліках да правядзення дэструктыўных акцый, экстрэмізму, гаворыцца ў прэс-рэлізе МУС
Там зазначаюць, што заснавальнік псеўдарэлігіі — двойчы судзімы ўраджэнец Казахстана — пачынаў прасоўваць свае ідэі гвалтоўнага звяржэння дзяржаўнай улады ў 2022 годзе ў Валгаградскай вобласці. Паступова да лжэпатрыярха далучыліся расіяне з іншых рэгіёнаў, а таксама грамадзяне шэрагу краін постсавецкай прасторы. Сяліліся гэтыя людзі групамі ў глухіх вёсках, з выкарыстаннем сацыяльных сетак і ўлётак вербавалі ў свае шэрагі новых адэптаў.
Асноўным патрабаваннем для ўступлення ў арганізацыю з'яўлялася прынашэнне «клятвы вернасці да апошняй кроплі крыві імператару».
У лютым у Расіі затрымалі арганізатара руху. Яго абвінавачваюць у стварэнні некамерцыйнай структуры, праца якой спалучаная са схіленнем людзей да адмовы ад выканання грамадзянскіх абавязкаў, а таксама публічнымі заклікамі да тэрарыстычнай дзейнасці.
У дачыненні да затрыманых Следчым камітэтам Беларусі распачатыя крымінальныя справы за стварэнне экстрэмісцкага фармавання і ўдзел у ім.
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»22
Каментары
Любая рэлігія ў 21-м стагоддзі - гэта не пра мазгі і не пра адэкватнасць. Але ж, тым не менш:
"Кожны чалавек мае права на свабоду думкi, сумлення i рэлiгii;
гэта права ўключае свабоду мяняць сваю рэлiгiю або пераканнi
i свабоду спавядаць сваю рэлiгiю або перакананнi як
аднаасобна, так i разам з iншымi, публiчным або прыватным
парадкам у вучэннi, богаслужэннi i выкананнi рэлiгiйных i
рытуальных абрадаў" (арт. 18 Усеагульнай дэкларацыі правоў чалавека).
То бок, калі гэтых праваслаўнутых адэптаў зараз абвінавацяць у стварэнні экстрэмісцкага фармаванні і зняволяць на гэтай падставе, іх трэба будзе цалкам слушна вызнаць палітычнымі зняволенымі.