Грамадства22

Затрымалі дырэктара па інфармацыйнай бяспецы буйной IT-кампаніі. Вінавацяць ва ўдзеле ў пратэстах і стварэнні чата

Аляксей Еўмянкоў працуе дырэктарам па інфармацыйнай бяспецы ў кампаніі IS Soft. У відэа яго змушаюць казаць, што мае зарплату 16 тысячаў рублёў штомесяц.

Аляксей Еўмянкоў. Фота з ягонай старонкі ў інстаграм

Затрыманага мінчука зваць Аляксей Еўмянкоў. Яму 48 гадоў. У 1998 годзе скончыў Беларускі дзяржаўны тэхналагічны ўніверсітэт. Праз год пайшоў працаваць у IT.

Спецыялізуецца на інфармацыйнай бяспецы, мае некалькі сертыфікацыяў ад розных міжнародных кампаніяў. Дарос да пасады дырэктара па інфармацыйнай бяспецы ў кампаніі IS Soft — даччынай кампаніі буйной амерыканскай IT-кампаніі Coherent Solutions. Таксама кансультуе індывідуальна, дапамагае фірмам укараніць добрыя практыкі ў галіне бяспекі і адпавядаць законам у галіне інфармацыйнай бяспекі (у тым ліку GDPR).

Удзельнічаў у шматлікіх канферэнцыях, вёў уласны блог ISQA.ru. У 2010 скончыў магістратуру па спецыяльнасці «бізнэс-адміністраванне» (MBA).

Жонка Аляксея таксама айцішніца, працуе тэсціроўшчыцай. Разам яны гадуюць траіх дзяцей.

Аляксей Еўмянкоў. Фота з ягонай старонкі ў Linkedin

Аляксея затрымалі каля двух тыдняў таму. 14 жніўня яму прысудзілі арышт за «дробнае хуліганства» — стандартная практыка губазікаўцаў пры падрыхтоўцы крымінальнай справы.

На відэа ён кажа, што ўдзельнічаў у пратэстах і мае зарплату 16 тысячаў рублёў. Таксама Аляксея ў відэа абвінавачваюць у «стварэнні экстрэмісцкага чата», але насамрэч гэта чат жыллёвага таварыства, дзе жыла іх сям'я. Сілавікі ў сваім відэа не дэманструюць аніякай крамолы з гэтага чату.

Губазікаўцы сцвярджаюць, што супраць Аляксея завялі крымінальную справу.

«Наша Нiва» — бастыён беларушчыны

ПАДТРЫМАЦЬ

Каментары2

  • бабруйчанін
    26.08.2024
    АЛЕ Калі ні да Закона Права і бацьку с дзецьмі з заробкам 16т хапаюць каб " вытрасці" грошы нада вельмі ўпэўненым быць у "моцы" свайго Закона аб Абароне Сямьі Пасля да Закона Права павернуцца ці толькі да гэтага.??))).
    PS У 90 е " безмежнікі" лічылі гэта назаўжды .Усё як мы любім..)))..
  • Влад
    26.08.2024
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На «Гродна-Азот» расказалі, як супрацоўнікаў правяраюць на паліграфе. Гэта толькі пагаршае сітуацыю з дэфіцытам кадраў1

На «Гродна-Азот» расказалі, як супрацоўнікаў правяраюць на паліграфе. Гэта толькі пагаршае сітуацыю з дэфіцытам кадраў

Усе навіны →
Усе навіны

Ад кляшчоў абароніць гэты аптэчны сродак6

Французскі Le Monde: Дэфіцыт бульбы выклікае незадаволенасць у Беларусі8

«Карацей, псеўдаветэраны». «Войска НКВД». Тыкток паставіў дыягназ парадам34

У Касцюшкаве знікла шыльда ў памяць пра Тадэвуша Касцюшку3

Час праходжання беларуска-польскай мяжы дасягае 80 гадзін1

Магілёўскіх дзяцей, якія паказалі сярэднія пальцы салюту, адвезлі на мемарыял і прымусілі глядзець «Ідзі і глядзі»33

«Спачатку падумаў, што сабака». У Бягомлі ноччу па дварах бегаў мядзведзь ВІДЭА1

«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву21

Скакалі з 4 метраў: літоўскія памежнікі паказалі, як пакістанцы і афганцы прарываюцца з Беларусі ў Літву ВІДЭА19

больш чытаных навін
больш лайканых навін

На «Гродна-Азот» расказалі, як супрацоўнікаў правяраюць на паліграфе. Гэта толькі пагаршае сітуацыю з дэфіцытам кадраў1

На «Гродна-Азот» расказалі, як супрацоўнікаў правяраюць на паліграфе. Гэта толькі пагаршае сітуацыю з дэфіцытам кадраў

Галоўнае
Усе навіны →

Заўвага:

 

 

 

 

Закрыць Паведаміць