Сілавікі затрымалі 10 чалавек, якія прадавалі месца ў чарзе на мяжы. Некаторых клалі тварам у асфальт
ГУБАЗіК, падаткавікі і пагранічнікі праводзяць рэйды ў чарзе перад пагранпераходам у Брэсце.
Сілавікі затрымалі як мінімум дзесяць чалавек, якія займаліся продажам месцаў у чарзе на мяжы з Польшчай.
У рэйдзе ўдзельнічаюць супрацоўнікі ГУБАЗіКу, падатковай інспекцыі, пагранкамітэта і міліцыі грамадскай бяспекі. Мяркуючы па відэа, апублікаваным у каналах сілавікоў, некаторых прадаўцоў месцаў затрымлівалі, як палітычных — група захопу ўкладвала іх тварам у асфальт.
Адзін з затрыманых, лежачы на асфальце, сказаў сілавікам, што хадзіў паміж машынамі, бо шукаў ката.
У далейшым затрыманыя расказваюць на відэа, што займаюць месцы ў чарзе на сваёй машыне і бяруць за паслугі 200-300 рублёў. Некаторыя таксама дапамагаюць праязджаць па льготнай чарзе, падсаджваючы ў аўтамабіль чалавека з ільготай.
Усяго з пачатку лета на мяжы да адказнасці за розныя парушэнні прыцягнуты больш за паўтары тысячы чалавек, уключаючы вадзіцеляў, веласіпедыстаў і пешаходаў, інфармуюць сілавікі.
Цяпер чытаюць
Бабарыка зоймецца бізнэсам — ужо адкрыў кампанію ў Германіі17
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары