Бузава заявіла, што на яе канцэрт у Лідзе сабралася 100 тысяч чалавек
Бясплатны канцэрт расійскай поп-спявачкі Вольгі Бузавай у Лідзе арганізавалі мясцовыя ўлады ў рамках фестывалю «ХарчФэст» да Дня горада.
Сама Бузава была ў захапленні, што столькі народу прыйшло яе паслухаць.
«У мяне проста няма слоў. Калі трэба тлумачыць, то не трэба. Больш за 100 тысяч чалавек сёння было на маім канцэрце. І гэта мой рэкорд за ўсю маю кар'еру, гэта ваш рэкорд!» — дзялілася спявачка ў сацсетках.
Яна падзякавала адміністрацыі горада за прыём.
Арганізатары сустрэлі Бузаву перад канцэртам велізарнай талеркай з рознымі відамі каўбасы ў гатэлі.
«Я проста ў шоку. Беларусь ведае, што я люблю. Вой, ну як гэта ўсё з'есці. Гэта трэба забраць, спакаваць гэта з сабой. Гэта ў Маскву», — радавалася Бузава такой увазе.
Акрамя каўбасы, ёй у нумар занеслі таксама фрукты і гарачыя бутэрброды.
У Мінску Бузава хадзіла на шопінг — у краму Zara, якія пасля пачатку вайны закрыліся ў Расіі.
Раней у Лідзе праходзіў знакаміты музычны фестываль Lidbeer. Але сёлета ўлады горада вырашылі ад яго адмовіцца.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары