Ракета, якая забіла сям'ю ў Львове, праляцела раніцай праз паветраную прастору Гомельскай вобласці
Па звестках украінскага маніторынгавага праекта War monitor, расійская гіпергукавая ракета «Кінжал» сёння раніцай праляцела прыкладна 100 кіламетраў над тэрыторыяй Брагінскага і Нараўлянскага раёнаў Гомельскай вобласці, піша «Флагшток».
У адпаведнасці са схемай (зялёная траекторыя), ракета ў 5:47 ударыла па Львове. Там у жылым доме загінула маці з трыма дочкамі, пра гэта паведаміў мэр горада Андрэй Садовы.
У выніку сённяшняй расійскай атакі на Львоў загінулі 7 чалавек (з іх трое дзяцей), параненыя 23 чалавек (у тым ліку 5 дзяцей).
Цяпер чытаюць
Вылецела ў невядомым кірунку спікерка КР Анжаліка Мельнікава30
Каментары