Рыжанкоў: Захад хоча, каб Мінск праводзіў антырасійскую палітыку
Міністр замежных спраў Беларусі адзначыў, што Захад зацікаўлены ў тым, каб да ўлады прыйшлі «псеўдадэмакратычныя сілы».
Максім Рыжанкоў заявіў, што Захад сёння хоча ад Аляксандра Лукашэнкі тое ж, што і хацеў раней — правядзення антырасейскай палітыкі і псеўдадэмакратыі.
«Захад ад Лукашэнкі пакуль хоча тое ж, што і хацеў раней. Каб у Беларусі праводзілася тая палітыка, якая сёння патрэбная Захаду. Гэта палітыка антырасійская, ва ўгоду тых палітычных працэсаў, якія бачыць сабе Захад», — сказаў кіраўнік беларускага замежнапалітычнага ведамства ў эфіры тэлеканала «Беларусь 1».
Больш за тое, адзначыў міністр, у намерах Захаду засталося прывесці да ўлады ў краіне «псеўдадэмакратычныя сілы, якія цяпер там падсілкоўваюцца і кормяцца». Такія планы, па словах Рыжанкова, прадугледжваюць і распродаж дзяржаўнай маёмасці. «Іх планы не памяняліся», — кажа міністр.
Ён выказаў упэўненасць, што такая палітыка Захаду ў адносінах да Беларусі не скончыцца, пакуль не міне «актыўная фаза канфлікту» в Украіне.
Каментары
Няволя - гэта свабода
Нічога новага, зацвілая лухта і падмена паняццяў.
У прынцыпе - Алейнік у свой час казаў тое ж самае, і безвынікова. У рэшце рэшт Лукашэнка вырашыў, што Алейнік неэфектыўны і зняў яго.
З мэтай больш спадабацца Лукашэнку і Крамлю Рыжанкоў ужывае больш адыёзную і крынжовую рыторыку - але гэта таксама наўрадці ўразіць кагосці на захадзе і Лукашэнку адбяліць не атрымаецца
На лаве запаснікоў яшчэ застаюцца Амбразевіч і Глаз, але наўрадці яны таксама здольныя нешта дасягнуць