У Расіі каліноўца Яна Дзюрбейку чамусьці абвесцілі ў вышук і сабраліся судзіць завочна. Хоць ён быў у іх у палоне
Пракуратура самаабвешчанай «ДНР» накіравала справу палоннага байца з Палка Каліноўскага Яна Дзюрбейкі ў суд. Суд пройдзе завочна. Дзюрбейку абвінавачваюць па артыкуле аб наёмніцтве, ён аб'яўлены ў вышук, паведамляе Генпракуратура РФ.
Пракуратура так званай Данецкай Народнай Рэспублікі зацвердзіла абвінаваўчае заключэнне па крымінальнай справе ў дачыненні да 28-гадовага грамадзяніна Беларусі Яна Дзюрбейкі.
Ён завочна абвінавачваецца па ч. 3 арт. 359 КК РФ (удзел найміта ва ўзброеным канфлікце).
Дзюрбейка аб'яўлены ў міжнародны вышук, у дачыненні да яго судом завочна выбрана мера стрымання ў выглядзе ўзяцця пад варту, піша Генпракуратура РФ.
Дзюрбейка трапіў у палон падчас бою ў Лісічанску 26 чэрвеня 2022 года. Расіяне ў свой час выстаўлялі відэа допыту каліноўца. Чаму Дзюрбейка раптам апынуўся ў вышуку, невядома.
Разам з ім у палоне апынуўся тады Сяргей Дзёгцеў. Што з ім, таксама незразумела.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»36
Каментары