Міжнародны гуманітарны фонд — каму ён будзе дапамагаць і колькі там цяпер грошай
Міжнародны гуманітарны фонд — новы праект па дапамозе палітвязням, які хутка стартуе. На прэс-канферэнцыі ў Вільні расказалі пра яго.
Падчас выступу на прэс-канферэнцыі Святлана Ціханоўская падкрэсліла, што фонд ствараецца не замест існуючых гуманітарных арганізацый, а ў дадатак да іх.
Унесці грошы ў фонд могуць дзяржавы, арганізацыі і неабыякавыя мецэнаты, цяпер у ім каля 1,3 мільёна еўра. Хутка будзе падпісаны адпаведны кантракт з Нарвегіяй, але арганізатары фонду кажуць, што яшчэ некалькі краін гатовыя паўдзельнічаць у папаўненні фонду.
Кіраванне фондам будзе калектыўным, за яго адкажуць самі праваабаронцы і гуманітарныя арганізацыі. Таксама ім будзе займацца назіральная рада з дзевяці чалавек — медыйшчыкі, супрацоўнікі гуманітарных арганізацый і прадстаўнікі міжнародных партнёраў фонду.
Цяпер у фонд уваходзяць восем арганізацый: «Байсол», «Байхэлп», «Краіна для жыцця», Dissidentby, «Вольныя», INeedHelp і яшчэ дзве арганізацыі, якія пакуль не названыя публічна. Гэтыя арганізацыі змогуць запытваць у фонду сродкі на свае праграмы. Аб’яднаны пераходны кабінет і Офіс Ціханоўскай не будуць умешвацца ў працу фонду.
Атрымаць дапамогу ад фонду змогуць палітзняволеныя, іх сем’і і беларусы, якія трапілі пад катаванні. Фокус — на беларусах унутры краіны.
Абяцаюць, што ў фонду будуць нулявыя адміністрацыйныя выдаткі, бо фінансаванне такіх патрэб возьмуць на сябе арганізацыі-чальцы фонду.
Ціханоўская адзначае:
«Дапамога рэпрэсаваным не замяняе працы па вызваленні палітвязняў. Гэта два напрамкі, якія мы вядзем адначасова, і наш прыярытэт — вызваліць людзей з турмаў. Але ж фонд будзе вялікай дапамогай для тых, хто ўжо выйшаў на волю ці яшчэ знаходзіцца за кратамі».
«Наша Нiва» — бастыён беларушчыны
ПАДТРЫМАЦЬВінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
Як Кабінет не будзе ўплываць на гэты фонд, калі новая прызначэнка Зазулінская будзе і ў Кабінеце, і ў партнэры фонда? Канфлікту інтарэсаў зусім няма!
Ганьба ганьбай паганяе ўсё, што робіць бестэрміновая лідарка.