Украінскі Генштаб пацвердзіў паражэнне двух важных расійскіх вайсковых арсеналаў
Генеральны штаб Узброеных Сіл Украіны пацвердзіў, што УСУ ўдалося нанесці паспяховыя ўдары па двух вайсковых арсеналах Узброеных сіл РФ.
Як адзначаецца, сёння, 21 верасня, ноччу было нанесена агнявое паражэнне па арсенале «Ціхарэцк», размешчаным у Краснадарскім краі РФ.
«Гэты аб'ект уваходзіць у тройку найбуйнейшых баз захоўвання боепрыпасаў акупантаў і з'яўляецца адным з ключавых элементаў у лагістычнай сістэме расійскіх войскаў.
Па наяўнай інфармацыі, на момант удару на тэрыторыі арсенала знаходзіўся чарговы эшалон, які даставіў як мінімум 2 тысячы тон боепрыпасаў, у тым ліку з КНДР. Таксама была атакаваная радыёлакацыйная станцыя «Падлёт», якая выяўляла паветраныя цэлі ў кірунку арсенала», — паведамляе ўкраінскі Генштаб.
Акрамя таго, як адзначаецца, Служба бяспекі Украіны нанесла ўдар па 23-м арсенале Галоўнага артылерыйскага ўпраўлення Міністэрства абароны РФ паблізу населенага пункта Акцябрскі ў Цвярской вобласці.
«Зафіксаваныя пажар і дэтанацыя ў раёнах абодвух вайсковых арсеналаў. Задачы былі паспяхова выкананыя ў супрацоўніцтве падраздзяленняў сіл абароны: Сіл беспілотных сістэм, Сіл спецыяльных аперацый Узброеных сіл Украіны, Службы бяспекі Украіны і іншых», — заяўляе Генштаб.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары