Смяротнае атручэнне сям'і ў Краснаярскім краі: вызначана асноўная версія
Асноўнай версіяй атручвання сям'і ў Краснаярскім краі Расіі, з-за чаго загінулі чацвёра дзяцей і пацярпелі двое дарослых, стала атручэнне дыхлафосам, пра гэта паведамілі ў пракуратуры рэгіёну, піша «Спутнік».
У мінулую пятніцу сям'я з вёскі Чырвоная Сопка (у тым ліку чацвёра дзяцей 6, 11, 12 і 13 гадоў) павячэрала набытымі ў мясцовай краме прадуктамі — курыцай і пельменямі.
Раніцай у суботу ва ўсіх членаў сям'і з'явіліся прыкметы атручвання: млоснасць, ваніты. Яны звярнуліся ў бальніцу, дзе двое дзяцей — шасцігадовая дзяўчынка і хлопчык 13 гадоў — памерлі. У нядзелю памерла трэцяе дзіця — 11-гадовая дзяўчынка, а ў ноч на панядзелак — яшчэ адна дзяўчынка 12 гадоў.
Дарослыя — 34-гадовы мужчына і 32-гадовая жанчына — апрытомнелі ў панядзелак. Пры гэтым вядома, што жанчына знаходзіцца на дзевятым месяцы цяжарнасці.
Як паведамілі ў рэгіянальным упраўленні Следчага камітэта, дом, у якім пражывала сям'я, у дзень трагедыі праходзіў апрацоўку дыхлафосам. У гэты час дзеці знаходзіліся на вуліцы. Папярэдне, ноччу сям'я надыхалася таксічнымі парамі дыхлафосу.
«У рамках праведзеных экспертыз узнікла прамое падазрэнне на атручэнне сям'і аэразольным прэпаратам ад насякомых, якім апрацоўвалася памяшканне дома напярэдадні. Гэта цяпер асноўная версія», — распавялі ў пракуратуры.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары