КДБ затрымаў жанчыну, з дома якой было знята відэа падзення шахеда ў Калінкавічах
Па жанчыну прыслалі байцоў спецпадраздзялення САХР.
Відэа затрымання жыхаркі Калінкавічаў з'явілася ў тэлеграм-каналах сілавікоў. Сцвярджаецца, што жанчыну затрымалі за супрацоўніцтва з «экстрэмісцкімі» рэсурсамі.
Жанчыну абвінавачваюць у тым, што яна нібыта перадала відэаматэрыялы адміністратарам «дэструктыўных тэлеграм-каналаў», чым пасеяла паніку сярод насельніцтва. За гэта ў дачыненні да жанчыны нібыта завялі крымінальную справу.
Учора ў чатах Калінкавічаў быў апублікаваны запіс з камеры назірання. На відэа адлюстравана падзенне расійскага ўдарнага беспілотніка. Відэа суправаджаецца нарастаючым шумам рухавіка і гучным гукам выбуху. Гэты гук пачулі жыхары ўсяго райцэнтра і суседніх вёсак 3 кастрычніка ў 04:54.
Калі вы ведаеце больш пра тое, што здарылася ў Калінкавічах, пішыце рэдактару «Нашай Нівы» ў тэлеграм @nn_editor, на мэйл [email protected] або любому з супрацоўнікаў «НН», якога ведаеце асабіста.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары