Улады Польшчы плануюць да канца 2024 года пачаць усталяванне абарончых умацаванняў на межах з Беларуссю і Расіяй у рамках праграмы «Усходні шчыт». Намеснік міністра абароны Польшчы Цэзарый Томчак паведаміў, што першыя выпрабаванні кампанентаў абарончых умацаванняў пачнуцца цягам трох тыдняў.
Мэта «Усходняга шчыта» — абараніць Польшчу ад нелегальнай міграцыі і магчымага ваеннага ўварвання з боку Беларусі і Расіі. Праграма прадугледжвае будаўніцтва новых умацаванняў, платоў, стварэнне спецыяльных лясных насаджэнняў і змяненне формы рэльефу мяжы Польшчы з дзвюма краінамі.
Цэзарый Томчык таксама расказаў, што Польшча змагла прыцягнуць да рэалізацыі праекта краіны Балтыі, а таксама войскі Вялікабрытаніі і ЗША.
Яшчэ пры папярэднім польскім урадзе на мяжы Польшчы з Беларуссю быў пабудаваны шматкіламетровы плот, але ягоную эфектыўнасць Томчык ацаніў вельмі скептычна:
«Мы засталі дзіравы плот — ён павінен быў служыць заслонам ад усяго, што пагражае нам з усходу, але аказаўся дзіравым, як рэшата», — адзначыў ён падчас прэс-канферэнцыі.
Цалкам скончыць будаўніцтва лініі абароны плануецца да 2028 года. Каштаваць праграма будзе каля 10 млрд злотых (каля $2,6 млрд).
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары
во гэта распіл грошаў...