Прапалесцінскія актывісты хочуць правесці акцыю ў Берліне ў гадавіну ўварвання баевікоў ХАМАС у Ізраіль
7 кастрычніка споўніцца роўна год з таго моманту, як баевікі ХАМАС напалі на Ізраіль — у той дзень тэрарысты забілі больш за 1200 чалавек і павезлі яшчэ каля 250 у якасці закладнікаў у сектар Газа, піша Bild.
Пры гэтым 7 кастрычніка на вуліцы гарадоў Германіі плануюць выйсці прапалесцінскія актывісты — яны ўжо запланавалі буйныя мітынгі. Берлінская паліцыя, у прыватнасці, рыхтуецца да маштабных беспарадкаў падчас акцый.
«Калі нам зноў прыйдзецца сутыкнуцца з агіднай нянавісцю да габрэяў, заклікамі да знішчэння Ізраіля, ісламісцкай тэрарыстычнай прапагандай або нападамі на службы экстранай дапамогі, то паліцыя павінна ўмяшацца хутка і жорстка. Паліцыянты, для якіх гэты дзень будзе складаным, карыстаюцца маёй поўнай падтрымкай», — заявіла ў інтэрв'ю выданню Tagesspiegel міністр унутраных спраў Нэнсі Фезер.
Паводле яе слоў, 7 кастрычніка — гэта дзень жалобы і перажыванняў за выкрадзеных закладнікаў».
Каментары