Цікавай знаходкай падзяліўся ў сацсетках грыбнік Сяргей з-пад Жодзіна. Ён наткнуўся ў лесе на цікавы грыб, вонкава падобны на суквецце капусты, піша «Смартпрэс».
Сам Сяргей не змог вызначыць, што перад ім за цуд, таму звярнуўся з просьбай растлумачыць гэта да падпісчыкаў.
У каментарах карыстальнікі тыктока расказалі, што трапіўся Сяргею спарасіс кучаравы (лац. Sparassis crispa) — рэдкі ядомы грыб, вонкава падобны на квяцістую капусту. Пахне ён арэхамі.
У навуковым аддзеле Нацыянальнага парку «Белавежская пушча» дадалі да гэтага, што спарасіс яшчэ называюць «заячай капустай», хоць ніякага дачынення да зайцоў ён не мае, а самі зайцы яго не ядуць.
Увогуле грыб лічыцца паразітам. Расце ён на каранях дрэў і свежых пнях хвоі.
Звычайна спарасіс — гэта невялікі куст круглявай формы, вышынёй і ў дыяметры да 30 см. Часам сустракаюцца асобнікі да паўметра ў ахопе, вага такіх волатаў дасягае шасці, а то і дзесяці кілаграмаў.
Спарасіс — від пад аховай, ён занесены ў Чырвоную кнігу Беларусі.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары
І так вельмі даўно, і гэта яшчэ не ўзровень штучнага інтэлекту.