Жыхара Круглага асудзілі да трох гадоў калоніі за каментары пра Лукашэнку
Суд Круглянскага раёна асудзіў мясцовага жыхара Уладзіміра Парашкова да трох гадоў калоніі па артыкуле аб паклёпе на Лукашэнку (арт. 367 КК), піша «Вясна». Справу разглядала суддзя Таццяна Сідаровіч.
Паводле матэрыялаў справы, Парашкоў пісаў каментары пад допісамі на ютубе і ў інстаграме, у якіх абвінавачваў Лукашэнку «ў здзяйсненні цяжкіх і асабліва цяжкіх злачынстваў». Адзначаецца, што каментары мужчына пачаў пакідаць яшчэ да выбараў 2020-га года — так, першыя з іх датуюцца лістападам 2019 года.
15 кастрычніка Магілёўскі абласны суд разгледзеў апеляцыйную скаргу Уладзіміра. Па выніках працэсу першапачатковы прысуд быў пакінуты без зменаў.
Вядома, што ў гэтым красавіку Уладзімір Парашкоў прыцягваўся да адміністрацыйнай адказнасці за «распаўсюд экстрэмісцкіх матэрыялаў».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы65
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары
Усё правільна чалавек напісаў. Любы, хто адчыніць Крымінальны Кодэкс, можа пабачыць на ўласныя вочы, колькі артыкулаў Крымінальнага Кодэкса парушыў Лукашэнка.
У тым ліку такіх, за якія паложана пажыццёвае зняволенне і смяротнае пакаранне.