Якая з карцін Марка Шагала стала самай дарагой на апошнім аўкцыёне Christie’s
У рамках серыі лонданскіх аўкцыёнаў Christie's з 9 па 22 кастрычніка прайшлі чарговыя анлайн-таргі, прысвечаныя працам Марка Шагала са збору яго спадчыннікаў.
Твор Марка Шагала «Святое сямейства ў чырвоным і каза ў зялёным» (1950) быў прададзены на апошніх анлайн-таргах, прысвечаных работам мастака на аўкцыёне Christie’s, за 163 800 еўра. Першапачатковы кошт малюнка на паперы складаў €18 000—28 000. Усяго на апошнім распродажы твораў жывапісца пад тэматычнай назвай «Між небам і зямлёй» былі рэалізаваныя 72 работы з калекцыі яго спадчыннікаў, піша Reformby.org.
Планавалася, што найбольшую цікавасць пакупнікоў выклікае гуаш мастака «Анёл з чырвонымі крыламі ў жоўтым небе», створаная ў 1979 годзе: лот ацэньваўся ў €38 000—55 000, а па выніку быў прададзены за 138 тысяч еўра.
Але за «Святое сямейства ў чырвоным і каза ў зялёным» разыгралася большая барацьба, вынікам якой стала павелічэнне першапачатковага кошту работы, выкананай у змешанай тэхніцы, амаль у шэсць разоў.
У топ-3 найбольш дарагіх твораў у гэтыя таргі трапіў і малюнак «Успаміны пра вясну», напісаны прыблізна ў 1983 годзе. Першапачаткова работа ацэньвалася ў €38 000—55 000, а была рэалізавана за 119 700 еўра.
Кошт многіх твораў Марка Шагала па выніках кастрычніцкага распродажу павялічыўся ў 2-7 разоў. На анлайн таргах былі прадстаўленыя пераважна работы мастака на паперы.
-
На Тыдзень беларускай культуры Музей Луцкевіча ператворыцца ў музей Попкі
-
Сядзібу Грабніцкіх пад Ушачамі куплялі ўжо двойчы — і вось яна зноў на аўкцыёне за адну базавую
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары