«Бу! Спужаўся?» Мем са стромным катом запаланіў інтэрнэт

Мем завірусіўся ў пачатку кастрычніка 2024 года ў тыктоку, а пасля перакінуўся і на іншыя сацсеткі. У відэа аніміраваны нейрасеткай кот навязліва пераконвае, што ён сябар і просіць не баяцца яго.

Як выглядае мем

«Бу! Спужаўся? Не бойся. Я сябар. Я цябе не пакрыўджу. Ідзі сюды, ідзі да мяне, сядай побач са мной. Паглядзі мне ў вочы. Ты бачыш мяне? Я таксама цябе бачу. Давай глядзець адно на аднаго да той пары, пакуль нашы вочы не стомяцца. Ты не хочаш? Чаму? Штосьці не так?»

@doigrales_2 бу, испугался? Не бойся! Я друг! Я тебя не обижу! Иди сюда, иди ко мне, сядь рядом со мной. Посмотри мне в глаза. Ты видишь меня? Я тоже тебя вижу! Давай смотреть друг на друга до тех пор пока наши глаза не устанут#бу #рекомендации#кот ♬ бу испугался не бойся - Doigrales433

Не так абсалютна ўсё. Да і без таго непрывабнай пысы цацачнага ката занадта пераканаўча прымаляваны чалавечы рот з вельмі ненатуральнай для жывёлы мімікай. Астатні твар застаецца абсалютна безэмацыйным, асабліва вялікія шкляныя вочы, якія глядзяць у розныя бакі.

З вуснаў жывёлы злятаюць словы, якія быццам хочуць схіліць гледача да сябе, але з кожным словам яны гучаць усё больш трывожна — занадта няўмела і настойліва жывёла хоча быць сябрам, зусім не як звычайныя людзі.

Насцярожвае і сам голас — ён зусім не жартаўлівы, як можна было б чакаць ад аніміраванай цацкі, а звычайны мужчынскі. Гаворыць кот паспешліва, але манатонна, без паўз і інтанацыі.

Чаму мем такі дыскамфортны? 

І хоць нельга сказаць, што менавіта пужае ў гэтым каце, але ўвесь папярэдні жыццёвы досвед кажа пра тое, што ад гэтай істоты трэба трымацца як мага далей і ні на што не згаджацца.

Хутчэй за ўсё тут спрацоўвае эфект «злавеснай даліны», што людзі адчуваюць агіду і непрыязнасць да аб'ектаў, якія выглядаюць і дзейнічаюць як людзі, але імі не з'яўляюцца. Дробныя неадпаведнасці ў іх выглядзе і рухах выклікаюць дыскамфорт і страх. Аўтар гэтай гіпотэзы заўважыў, што анімацыя толькі ўзмацняе негатыўнае ўспрыманне.

@_vi_n_ #буиспугалсянебойся #рекомендации #домашниеживотные ♬ оригинальный звук - вискис

У сацсетках стромнага ката выкарыстоўваюць, каб распавесці пра непрыемных асоб, якіх можа сустрэць у сваім жыцці кожны чалавек. Напрыклад, непажаданы незнаёмец на цёмнай вуліцы, непрыемны кліент на змене ў аптэцы, настаўнік, які хоча пазнаёміць са сваім нудным прадметам, дакучлівы калега на працы ці новы псіхолаг на першай сесіі.

@burgerkingbelarus БУ #burgerkingbelarus #бургеркингбеларусь ♬ оригинальный звук - BURGER KING Беларусь

Пужаць не менш, чым яны, могуць таксама хатнія жывёлы і нават крэсла з адзеннем уначы. Мем аказаўся ўніверсальнай бу-пужалкай.

Адкуль кот

Першапачаткова кот не быў такім жудасным. Гаворачая лялька-кот па мянушцы Віскер была адным з персанажаў са старога амерыканскага шоу TV Funhouse, якое выходзіла ў 2000-2001 гадах. Спачатку яно было часткай начной перадачы Saturday Night Live, у якой сцэнарыст і комік Роберт Шмігель паказваў кароткія анімацыйныя ролікі, але пасля стала выходзіць самастойна на канале Comedy Central. 

На расійскім тэлеканале «2х2», які транслявалі ў Беларусі, ён выходзіў пад назвай «Un-шлак! Un-шлак!» (адсылка да «Аншлага»).

І хоць шоу выглядала як дзіцячае, жывёлы ў ім увесь час сабачыліся, брудна жартавалі і заахвочвалі гвалт. Даводзячы ўсё да абсурду аўтары імкнуліся высмеяць іншыя тэлешоу. Але асаблівай папулярнасцю шоу на Comedy Central не карысталася і было закрыта пасля 8 выпускаў.

Фрагмент з Віскерам, які паслужыў асновай для мема, узяты з пятага выпуску «Дзень пячорнага чалавека», у якой кот абмяркоўвае з сабакам ягоную «бездзярмовую дыету». Кот у шоу таксама рухае ротам, калі гаворыць, але зусім не так жудасна, як у меме. 

@mark_jacksonoff #майклджексон #michaeljackson #бу #испугался #мем #fyp ♬ оригинальный звук - Mark Jackson

Як ім карыстаюцца

Мем стаў такім пазнавальным, што голас і словы стромнага ката пачалі выкарыстоўваць і без яго аніміраванай пысы. Калі ім гаворыць таварыш маёр у ваенкамаце ці палітык, якому ад цябе нешта трэба, усё роўна становіцца не па сабе.

Павялічыць

У тэкставым фармаце мем дабраўся і да беларускага твітара. Тут Дзед-Барадзед прапануе не баяцца і разам абысці ўвесь белы свет, а Зянон Пазняк — шукаць агентуру і ўскрываць гэбовыя кансервы. «Ты не хочаш? Чаму? Штосьці не так?»

Павялічыць

• 2
• 5
• 15
• 9
• 1
• 0
• 0
• 0