На выбарчыя ўчасткі ў штаце Джорджыя прыйшлі паведамленні пра мініраванне, падазраюць Расію
Раніцай 5 лістапада на выбарчыя ўчасткі ў акрузе Фултан амерыканскага штата Джорджыя паступіла пяць званкоў пра пагрозу выбухаў. Трывога аказалася падманнай, але ўчасткі давялося эвакуяваць.
Па словах мясцовых чыноўнікаў, два выбарчыя ўчасткі давялося эвакуяваць прыкладна на 30 хвілін кожны. Акруга, у склад якой уваходзіць горад Атланта, звярнулася ў суд, каб працягнуць час працы ўчасткаў.
Дзяржсакратар штата Джорджыя Брэд Рафенспергер сцвярджае, што гэтыя пагрозы паходзілі з Расіі.
«Мы чулі некалькі пагроз расійскага паходжання. У інтарэсах грамадскай бяспекі мы заўсёды правяраем гэта», — дадаў ён і заявіў, што матывам была спроба «дэстабілізаваць Амерыку».
ФБР з гэтай нагоды выдала заяву:
«ФБР вядома пра некалькі пагроз выбухаў, якія паступілі па ўсім штаце Джорджыя. Сумленнасць выбараў і абарона нашага грамадства — наш галоўны прыярытэт, і ФБР цесна супрацоўнічае з праваахоўнымі органамі штата і мясцовымі ўладамі, каб рэагаваць на пагрозы, звязаныя з выбарамі».
Раней прадстаўнікі разведкі і бяспекі ЗША абвінавацілі Расію і Іран у нарошчванні кібератак і кампаній дэзынфармацыі з мэтай пасеяць разлад, калі амерыканцы адправяцца на выбарчыя ўчасткі 5 лістапада.
Калі стануць вядомыя вынікі прэзідэнцкіх выбараў у ЗША?
На выбарах у ЗША прагаласаваў сабака ФОТА
Суд у ЗША не стаў забараняць палітычную латарэю Ілана Маска
У апошні дзень выбарчай кампаніі Трамп і Харыс правялі мітынгі ў хісткіх штатах
Харыс прагаласавала на выбарах у ЗША
Хто лепшы для Беларусі — Трамп ці Харыс? Парадаксальная думка Шрайбмана
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары