Савет Еўразійскай эканамічнай камісіі вырашыў з 1 студзеня вызваліць ад увазной мытнай пошліны некаторыя віды плодаагародніннай прадукцыі. Пра гэта сказана на сайце ЕЭК.
Гаворка ідзе пра бульбу, моркву і яблыкі, прызначаных для продажу ў рознічным гандлі або наступнай перапрацоўкі.
Так, бульбу можна пастаўляць бяспошлінна ў Расію, але не больш за 150 тыс.тон. На Беларусь гэтая льгота не распаўсюджваецца.
Моркву можна пастаўляць без мытных пошлін як на расійскі рынак (не больш за 55 тыс.тон), так і на беларускі (не больш за 5 тыс. тон).
Распаўсюджваецца льгота і на імпартныя яблыкі. Без пошлін у Расію дазволілі паставіць не больш за 230 тыс. тон, а ў Беларусь — не больш за 20 тыс. тон.
Ільгота будзе дзейнічаць з 1 студзеня па 31 ліпеня 2025 года, г.зн. у міжсезонне.
Па словах міністра па гандлі ЕЭК Андрэя Сляпнёва, «у перыяд міжсезоння на рынку плодаагародняй прадукцыі адзначаюць істотныя ваганні спажывецкіх цэн». Гэта звязана ў тым ліку са сканчэннем запасаў тавараў айчыннай вытворчасці. Льготу вырашылі ўвесці з улікам меншага збору ўраджаю ў гэтым годзе.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары