Як у школьныя электронныя дзённікі трапіла рэклама піва? З'явілася тлумачэнне
Карыстальніку, які некалі шукаў у інтэрнэце піва, кантэкстная рэклама Яндэкса прапанавала яшчэ адзін банэр з півам. А ён напісаў скаргу на школьныя дзённікі — што вінаватыя яны.
Сэрвіс электронных дзённікаў schools.by могуць закрыць. Пакуль МАРГ вынес папярэджанне ТАА «Адукацыйныя сістэмы», але паўторнае парушэнне пацягне больш сур'ёзныя наступствы. Справа — у рэкламе піва, якая размяшчалася там.
У schools.by патлумачылі, як у сэрвісе з'явілася рэклама піва.
«У выніку тэхнічнай памылкі на баку рэкламнай сеткі Яндэкса ў сэрвісе schools.by часова з'явіўся банэр з рэкламай піва, што супярэчыць нашым стандартам і правілам фільтрацыі кантэнту. Мы неадкладна прынялі меры для ўхілення гэтай сітуацыі, правялі ўнутраную праверку і падалі зацікаўленым органам усю неабходную інфармацыю аб інцыдэнце, які здарыўся», — такое паведамленне з'явілася ва ўсіх электронных дзённіках, піша «Точка».
У той жа час, у schools.by далі зразумець, што ад рэкламы адмовіцца не могуць, бо гэта камерцыйны праект, і адной з крыніц даходу якраз з'яўляецца банэрная рэклама, размешчаная праз Яндэкс.
Пры гэтым сэрвіс, прызначаны ў тым ліку і для дзяцей, выкарыстоўвае розныя механізмы для прадухілення недапушчальнага кантэнту. Напрыклад, сямейныя фільтры, блакаванне асобных брэндаў і г. д.
Інцыдэнт з рэкламай піва стаў нагодай, каб яшчэ раз звярнуць увагу на ахоўныя механізмы. Сэрвіс абяцае, што будуць прыняты дадатковыя меры для прадухілення такіх неспадзяванак.
Раней МАРГ папярэдзіў ТАА «Адукацыйныя сістэмы»: калі яшчэ раз будзе зафіксаваны факт неналежнай рэкламы, адпаведныя матэрыялы накіруюць у Міністэрства інфармацыі. Яно мае паўнамоцтвы абмяжоўваць доступ да інтэрнэт-рэсурсаў.
У лістападзе 2022 года, платформа schools.by ужо была абвінавачаная ў размяшчэнні неналежнай рэкламы.
-
«Ніхто не ведае, ці зможа здрадзіць блізкім людзям, калі пачнуць біць токам». Дудзінскі — пра свой новы раман, дабро і зло
-
Палітвязень Вацлаў Арэшка сустрэў за кратамі 71‑ы дзень нараджэння. Калядную паштоўку яму візуальна апісвалі іншыя
-
Святлана Ціханоўская паведаміла літоўскім парламентарыям пра рашэнне пераехаць у Польшчу
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы10
Каментары
“Пойдёте на рынок, спросите там Аслана (продаёт овощи адыгейский сыр запчасти), зарегистриуетесь у него. Всё! Это бесплатно и очень удобно. Приходить с паспортом”.
Узнаёте себя?