Як жыве і чым займаецца Крысціна Моцная — меркаваная пазашлюбная дачка Аляксандра Лукашэнкі
Планавала стаць настаўніцай нямецкай мовы, але знайшла сябе ў іншай сферы. Паглядзелі, што расказвае пра сябе ў сацыяльных сетках Крысціна Моцная, якую называюць імавернай дачкой Аляксандра Лукашэнкі.
У 2022 годзе дзяўчына скончыла Мінскі дзяржаўны лінгвістычны ўніверсітэт, дзе акцэнт рабіла на вывучэнне англійскай і нямецкай моў. Першапачаткова яна планавала быць настаўніцай нямецкай мовы (чым вельмі ганарылася яе маці). Але знайшла сябе ў такой сферы, як графічны дызайн.
У 2023 годзе Крысціна скончыла навучанне ў расійскім «Бюро Гарбунова».
Цяпер яна працуе спецыялісткай па знешнеэканамічнай дзейнасці ТАА Izovac (так пазначана ў профілі ў сацсетках Крысціны). Кампанія вырабляе вакуумныя ўстаноўкі.
Дзяўчына таксама прымае замовы як фрылансерка.
Крысціна ў сацсетках называе сябе творчым чалавекам. Яна любіць пець, прыдумляць для сябе яркія вобразы і фатаграфавацца.
Жартуе, што мае кававую залежнасць. У вольны час Крысціна наведвае трэнажорку.
Маці Крысціны — Сняжана Моцная, цырульніца родам са Шклова, якая пазней з сям'ёй перабралася ў Мінск — пазіцыянуе сябе як іміджмейкера. У яе акаўнце шмат фота дачкі. Сняжана кажа, што ў іх вельмі блізкія і душэўныя адносіны.
Пра тое, што Крысціна можа быць пазашлюбнай дачкой Лукашэнкі, высветлілі журналісты «Бюро». На гэта паказвае некалькі ўскосных фактараў. Напрыклад, бацькам дзяўчыны запісаны Моцны Аляксандр Рыгоравіч — такога чалавека няма ў пашпартнай базе, а прозвішча — гэта дзявочае прозвішча Сняжаны Моцнай. Сама Сняжана Моцная сказала журналістам «Бюро», што «гэта ўсё лухта».
«Наша Ніва» пісала Крысціне па каментар, але паведамленне засталося непрачытаным.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе66
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе6
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары
За такія-та ільготы: кватэры, пажыццёвае рашовае ўтрыманне, бясплатнае лекаванне ў прэзідэнцкай клініцы і інш.
Тут яны ўсе шыфравацца перастануць і зробяць камінг аўт.