У сваіх сацсетках анонсу прэм’еры ўласнага кліпу на песню «Я — беларус» Руслан Чарнецкі прысвяціў амаль столькі ж увагі, колькі нядаўняму назначэнню на пасаду міністра культуры.
Песня вельмі ўпісваецца ў трэнды лукашэнкаўскай музычнай прапаганды. Напрыклад, Аляксандра Мелех і Яўген Ермалковіч ужо недзе з месяц бадзёра скочуць і спяваюць «Где родился, там и пригодился» — чарговы вынік творчасці Ганны Сялук. Цяпер жа пра любоў да Беларусі вырашыў праспяваць ажно міністр культуры. Ну і плюнуць у бок нейкіх міфічных ворагаў не забыўся.
Былы танцор у Тайландзе Руслан Чарнецкі вырашыў касіць пад рокера. Трэба адзначыць, што ў сацсеткі ён выклаў найбольш прыстойны кавалак песні. У ім міністр культуры выдае набор пафасных, але даволі шаблонных слоў пра тое, што ён нарадзіўся і вырас у Беларусі, тут яго бацькі і дзеці.
Працяг жа можна пачуць на іншых платформах — і ён даволі цікавы.
— Ну что, цветущий сад,
Не нравится вам то, что у нас все хорошо?
Разве могло быть иначе?
Вы столетиями твердите нам о своем превосходстве
Да поймите вы, неразумные, не в превосходстве сила.
Калі ў вас раптам узнікла пытанне, ці не чат GPT вось так рандомна сабраў словы ў сказы, дык не: у кампазіцыі ёсць сапраўдны аўтар. Словы і музыку песні «Я — беларус» напісаў Аляксандр Сухараў.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1414
Каментары