Стала вядома, што за дамову ўчора падпісалі Лукашэнка з Пуціным
6 снежня ў Мінску адбылося пасяджэнне «Вышэйшага Дзяржаўнага савета Саюзнай дзяржавы». Падчас гэтага мерапрыемства, як заяўлялася, Лукашэнка і Пуцін падпісалі двухбаковую дамову «Аб гарантыях бяспекі ў рамках Саюзнай дзяржавы». Яе тэкст пакуль не публікаваўся, але арганізацыя «Белпол» сцвярджае, што атрымала да яго доступ.
«Белпол» пакуль не публікуе ўсю дамову, каб не стварыць небяспекі для крыніцы, але сцвярджае, што яе палажэнні падобныя да ўмоў Дамовы аб усёахопным стратэгічным партнёрстве, падпісанай паміж Расіяй і КНДР.
Сам дакумент па аб'ёме невялікі, у ім усяго 9 артыкулаў, але змяшчае вельмі важныя моманты.
Галоўны сэнс асноўнай часткі дамовы — у выпадку «пагрозы суверэнітэту, тэрытарыяльнай цэласнасці, знешняй мяжы Саюзнай дзяржавы, канстытуцыйнаму ладу РФ і РБ з боку трэціх дзяржаў, іх аб'яднанняў, тэрарыстычных і экстрэмісцкіх арганізацый і груп» яе ўдзельнікі павінны неадкладна аказаць адзін аднаму вайсковую, вайскова-тэхнічную і іншую дапамогу і выкарыстоўваць наяўныя ў іх распараджэнні «усе сілы і сродкі».
Такім чынам, як лічыць «Белпол», з улікам вядзення баявых дзеянняў паміж Расіяй і Украінай створаныя прававыя ўмовы для адпраўкі грамадзян Беларусі на гэтую вайну «для абароны тэрытарыяльнай цэласнасці РФ і знешніх межаў Саюзнай дзяржавы».
У сваю чаргу, Расія зможа ўводзіць свае войскі ў Беларусь для абароны рэжыму Лукашэнкі, калі над ім навісне пагроза.
Таксама дамова дазваляе Расіі ствараць на тэрыторыі Беларусі дадатковыя вайсковыя базы і размяшчаць вайсковыя кантынгенты «для адбіцця замежнай агрэсіі».
Ёсць у дамове і блок, прысвечаны ядзернай зброі, у тым ліку, размешчанай на тэрыторыі Беларусі. Гэтая зброя ўсюды выразна называецца «ядзернай зброяй Расійскай Федэрацыі», таму пра кантроль над ёй Лукашэнкі, што б ні расказваў дзяржаўны сакратар Рады бяспекі Аляксандр Вальфовіч, гаворкі не вядзецца. Умовы прымянення расійскай ядзернай зброі апісаныя коратка і адпавядаюць палажэнням ядзернай дактрыны РФ.
Дамова заключаная на 10 гадоў з аўтаматычным працягваннем яе дзеяння на наступныя 10-гадовыя тэрміны.
У Генштабе пракаментавалі рашэнне аб размяшчэнні ў Беларусі «Арэшніка»
«Арэшнік» для Беларусі. Куды Лукашэнка ўцягвае краіну
Міністр фінансаў Селіверстаў пра «Арэшнік» у Беларусі: Можа, Захад здыме санкцыі адразу
Лукашэнка папрасіў Пуціна размясціць у Беларусі «Арэшнік»
Рыжанкоў: Лукашэнка не жартаваў пра пляцоўкі для «Арэшніка» ў Беларусі
Вальфовіч: У Лукашэнкі ёсць свой ядзерны чамаданчык і чырвоная кнопка
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары