Дзядуля з Віцебска запосціў фота са скрынкай ад тэлевізара і стаў зоркай тыктоку. А яго сябар ператварыўся ў мем
Пятровіч апублікаваў фота, на якім ён з прыяцелем нясе скрынку ад тэлевізара. Гэты здымак раптам стаў пачаткам вялікай гісторыі.
Пенсіянер Пятровіч з Віцебска стаў зоркай тыктоку, проста паказваючы свае архіўныя фатаграфіі і распавядаючы гісторыі пра сяброў. Пачалося ўсё з фатаграфіі, на якой Пятровіч і яго сябар нясуць скрынку з новым 65-цалевым тэлевізарам, піша Onliner.
«Глядзіце, сябры, я тут купляў тэлевізар, і дапамагае мне яго цягнуць вядомы чалавек у Віцебску Віктар па мянушцы Цюка — вядомы хлопец у Віцебску, праўда, даўно ў Германіі жыве. Хто яго ведае? Цікаўныя водгукі», — казаў голас за кадрам.
Витька Тюка ..приехал ..
Ролік з гэтай фатаграфіяй раптам завірусіўся ў тыктоку, сабраўшы 1,8 мільёна праглядаў. А яшчэ ён ператварыў Віцю Цюка з Германіі ў мем.
Каментатары пачалі масава ствараць акаўнты ад асобы таго самага Віцькі Цюка, тэлевізара, самаката і іншых персанажаў з фатаграфій дзядулі і пакідаць паведамленні ад іх асобы. Персанажы цяпер ладзяць дыялогі ў каментарах пад усімі відэа Пятровіча.
Пятровіч працягваў здымаць ролікі, і яго сусвет разрастаўся. У каментары пад відэа пра самакат «Брытанец» нават прыйшоў вядомы расійскі акцёр Сяргей Буруноў, які, як аказалася, таксама ведае Пятровіча і сочыць за яго творчасцю.
Самокат Британец !!
Літаральна за тыдзень Пятровіч стаў зоркай: яго пазнаюць на вуліцах роднага Віцебска, а сам ён цяпер ездзіць на машыне з налепкай «Пятровіч TV», выкладвае па два-тры ролікі ў дзень і рэгулярна праводзіць стрымы.
Ждем Витьку Тюку !
У адным з апошніх ролікаў мужчына паведаміў, што той самы Віцька Цюка таксама ў курсе сваёй раптоўнай славы і ўпершыню за шмат гадоў збіраецца прыехаць да яго ў госці з Германіі на Новы год. Радасці каментатараў не было мяжы.
«Нарэшце галоўныя героі сагі Пятровіча збяруцца разам», — пішуць гледачы.
Цяпер чытаюць
Ціханоўская павіншавала беларусаў разам з Калеснікавай, Севярынцам і Латушкам16
Каментары
Объявить о забастовке и о том что каждый бастующий будет получать по 500 у.е.
Забастовку поддержат около 80-90% населения. Зачем работать за 500 у.е если можно не работать и получать 500 у.е?
Выплачивать пособия в биткоинах.
Кстати в бойкоте примут участия не только те кто против лукашенко, но и аполитичные люди которые никогда не участвуют в выборах. По моим подсчетам около 70% населения примет участия в бойкоте и 80-90% в забастовке при условии выплаты забастовочных.