Палітзняволенаму журналісту Ігару Карнею далі яшчэ восем месяцаў калоніі
Асуджанага раней да 3 гадоў калоніі журналіста Ігара Карнея пакаралі яшчэ 8 месяцамі зняволення, піша Радыё Свабода
Новы суд над журналістам, які ўжо адбывае пакаранне ў мясцовай калоніі, пачаўся 11 снежня ў Шклове.
Карнея абвінавацілі паводле 411 артыкула КК («Злоснае непадпарадкаванне патрабаванням адміністрацыі папраўчай установы»). Журналісту прысудзілі зьняволеньня ў дадатак да ранейшага пакараньня. Судзіў Ігара Карнея Аляксандр Тараканаў.
У 2023 годзе Карнея асудзілі паводле ч. 3 артыкула 361-1 Крымінальнага кодэксу («Удзел у экстрэмісцкім фармаваньні») на 3 гады зьняволення. Затрымалі яго ў ліпені 2023 года.
Адбываць пакараньне Ігара Карнея адправілі ў калонію № 17 у Шклове. Вядома, што там яго каралі штрафным ізалятарам (ШЫЗА), а з лета 2024 году змясцілі ў памяшканьне камэрнага тыпу (ПКТ), дзе ізалююць тых вязняў, якія нібыта не сталі на шлях выпраўленьня.
Ігару Карнею 1 студзеня споўніцца 57 гадоў. Ён шмат пісаў на тэмы гісторыі і краязнаўства Беларусі, вядомы таксама як трэвэл-блогер.
З улікам новага прысуду Ігар Карней выйдзе на волю толькі ў кастрычніку 2026 года.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары