Дальнабойшчыку з Мінска пагражае да чатырох гадоў калоніі за «тысячу каментароў» пра Лукашэнку, суддзяў і сілавікоў
Імя Дзмітрыя Сончыка з'явілася ў раскладзе судоў. ГУБАЗіК паведамляў, што ён пакінуў больш за тысячу каментароў у тэлеграме — вось як выйшлі на Дзмітрыя.
Дзмітрыю Сончыку 40 гадоў. Ён мінчук. Вядома, што Сончык доўгі час працаваў кіроўцам, апошнім часам — дальнабойшчыкам. Дзмітрый захапляецца мотаспортам, а яшчэ радыёаматарствам.
Відэа з Сончыкам выйшла 7 мая 2024 года на канале ГУБАЗіК, яго затрымалі па вяртанні з-за мяжы. Яму закідалі каментары ў тэлеграме — казалі, што ён пакінуў іх больш за тысячу.
Акаўнт мужчыны створаны вельмі даўно і лёгка дэананімізуецца праз боты, якімі карыстаюцца сілавікі — там заўжды было ягонае сапраўднае імя. Да таго ж Дзмітрый пакінуў даволі шмат асабістых звестак у саміх чатах.
Па звестках праекта Digital intelligence team, гаворка ідзе менавіта пра яго. Суд над Дзмітрыем пачынаецца 26 снежня ў судзе Партызанскага раёна Мінска. Яго судзяць па трох артыкулах — «абраза суддзі» (арт. 391 КК), «абраза Лукашэнкі» (ч. 1 арт. 368 КК) і «абраза прадстаўніка ўлады» (арт. 369 КК).
Дзмітрыю Сончыку пагражае да чатырох гадоў калоніі са штрафам.
«Наша Нiва» — бастыён беларушчыны
ПАДТРЫМАЦЬЦяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары