Беларускі блогер Улад Бумага трапіў на прамую лінію да Пуціна і моцна прагнуўся перад ім
Нечаканым госцем на выніковай канферэнцыі Уладзіміра Пуціна стаў найпапулярнейшы беларускі дзіцячы блогер Улад Бумага.
— У нас нетрадыцыйны госць, — прадставіў Улада Дзмітрый Пяскоў.
— У якім сэнсе? — патроліў Пуцін.
Але блогер Улад Бумага быў вельмі сур'ёзным і кампліментарным. Ён назваў расійскія рэсурсы «нашымі», пахваліў іх, спытаў «навошта блакаваць ютуб, калі нашы пляцоўкі добра спраўляюцца?».
Watch on TikTok
Акрамя таго, як «чалавек, у якога 80 млн падпісчыкаў», ён спытаў у Пуціна парады: на якіх сэнсах ён павінен выхоўваць маладое пакаленне?
Пуцін у адказ пацікавіўся, ці сапраўднае «Бумага» прозвішча, павіншаваў з 80 мільёнамі падпісчыкаў і заявіў, што Google стварыў у Расіі «дочкі», але пасля ўвядзення санкцый перастаў за імі сачыць. Да таго ж, «трэба не забываць выконваць расійскія законы».
Пуцін дадаў, што калі Google і YouTube зменяць сваю палітыку, то праблем не будзе. Калі не, іх месца зоймуць «УКантакце» і астатнія.
Наконт «сэнсаў» Пуцін гаварыць проста адмовіўся, але намякнуў, што ў блогера ёсць дзеці. «Адказнасць перад сваім дзіцем і краінай, дзе ваша дзіця будзе жыць, вас зарыентуе нават лепш, чым гэта зраблю я», — сказаў Пуцін.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?5
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары