Іван Наскевіч выдаў кнігу пра Следчы камітэт — які ён раней узначальваў
Наскевіч і яго суаўтар, суддзя Канстытуцыйнага суда Леанід Рабцаў, сфармулявалі Канцэпцыю рэалізацыі дзяржаўнай кадравай палітыкі ў сістэме органаў папярэдняга следства і прапануюць прыняць яе.
Былы старшыня Следчага камітэта Іван Наскевіч стаў суаўтарам манаграфіі, прысвечанай кадравай палітыцы ў ведамстве. Разам з суддзёй Канстытуцыйнага суда Леанідам Рабцавым ён падрыхтаваў навуковае выданне «Следчы камітэт Рэспублікі Беларусь як суб'ект рэалізацыі дзяржаўнай кадравай палітыкі ў сістэме органаў папярэдняга следства: адміністрацыйна-прававыя аспекты» (PDF).
Кніга выйшла ў снежні 2024 года ў дзяржаўнай арганізацыі «Будмедыяпраект».
У ёй Наскевіч і Рабцаў сфармулявалі Канцэпцыю рэалізацыі Следчым камітэтам дзяржаўнай кадравай палітыкі ў сістэме органаў папярэдняга следства і прапануюць прыняць яе.
Што ў кнізе цікавае, дык гэта вынікі анкетавання больш чым 300 супрацоўнікаў Следчага камітэта. Складана ацаніць праўдзівасць адказаў, але некаторыя з іх сведчаць пра рэальныя праблемы ў сістэме.
Напрыклад, якія ёсць асноўныя недахопы працы з маладымі супрацоўнікамі? 47% апытаных называюць адсутнасць рэальнага заахвочвання за працу, яшчэ 21% прызнае, што такая праца зводзіцца толькі да фармальнага афармлення справаздач.
У адказе на пытанне пра праблемы падбору кадраў 47% апытаных кажуць, што кандыдаты на службу маюць недастатковую падрыхтоўку для таго, каб працаваць следчымі.
36% рэспандэнтаў мяркуюць, што на працу ў СК можна браць людзей, якія маюць веды ў інфармацыйных тэхналогіях, эканоміцы і фінансах, але не атрымалі вышэйшую юрыдычную адукацыю. Яшчэ 48% пагаджаюцца з тэзісам, аднак лічаць, што такім людзям усё ж трэба прайсці перападрыхтоўку.
А сярод недахопаў ідэалагічнай працы 50% называюць яе залішнюю фармальнасць, 21% — тое, што няма мерапрыемстваў, якія ўплываюць на выніковасць следчай дзейнасці, 17% — што ідэалагічная праца зводзіцца да спартыўнага складніку.
Іван Наскевіч нарадзіўся ў 1970 годзе ў Столінскім раёне. Скончыў Украінскую дзяржаўную юрыдычную акадэмію (1995), Палескі дзяржаўны ўніверсітэт (2005) і Акадэмію кіравання (2016). Кандыдат юрыдычных навук.
У 1995-2015 года служыў у органах пракуратуры Брэсцкай вобласці. У 2015-2021 узначальваў Следчы камітэт.
Лічыўся прадстаўніком ліберальнага крыла сілавікоў. Следчы камітэт пры ім збіраў факты катаванняў на Акрэсціна. Аднак ходу гэтай ініцыятыве не далі, а Наскевіч быў адпраўлены ў адстаўку. Разам з тым, лічыцца, што менавіта ён прапанаваў ідэю заводзіць крымінальныя справы на абсалютна ўсіх удзельнікаў акцый пратэсту па артыкуле 342 Крымінальнага кодэксу.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары
І вось, мара зьдзяйсьняецца, міністэрства выдае кніжку спадара Наскевіча і нават наклад разам зь міністэрствам дабра іміліцыі раскупае.
Але ты нечым незадаволены... Не не, не існаваньнем міністэрстваў і гвалтоўным пераразьмеркаваньнем. Вядома не, ты прагнеш правільную латушку на чале міністэрства
ДФР Департамент финансовых расследований Комитета государственной безопасности Республики Беларусь.
Нет, я знал, конечно, что почти всё нынешнее руководство ДФР из КГБ, но чтобы сам департамент уже целиком и полностью перешёл из структуры КГК в состав КГБ...