18-гадовы беларус Дзяніс Лазавік перамог Магнуса Карлсэна на чэмпіянаце свету па рапідзе
Чэмпіянат свету па рапідзе праходзіць у Нью-Ёрку.
Па выніках пяці тураў у Лазавіка 3,5 бала, і ён займае пакуль 33-е месца. У Карлсэна — 2,5 бала і 80-я пазіцыя, піша Tribuna.com
Усяго ў спаборніцтвах бяруць удзел 180 спартсменаў. Пасля пяці тураў лідзіруюць чацвёра шахматыстаў, якія набралі па 4,5 бала. Чэмпіянат свету па рапідзе працягнецца па 29 снежня.
Лазавіку ўсяго 18 гадоў. А Карлсэн — дзейны пераможца турніру і адзін з самых знакамітых шахмацістаў, які быў чэмпіёнам свету па шахматах з 2013 па 2023 гады.
Каментары