На афіцыйным сайце «Белпошты» абнавілі інфармацыю пра тарыфы на асноўныя паштовыя паслугі, якія будуць дзейнічаць з 1 студзеня 2025 года.
Перасылка самага маленькага заказнога дробнага пакета (з улікам ПДВ і кошту ўпакоўкі) з 1 студзеня абыдзецца на 6% даражэй — 3,5 рубля замест цяперашніх 3,3 рубля.
Перасылка адпраўленняў пісьмовай карэспандэнцыі «1 клас» стане даражэйшай на 9,7% — за адпраўленне масай да 100 г давядзецца плаціць ужо 2,04 рубля і 42 капейкі за кожныя наступныя поўныя або няпоўныя 100 г (было 1,86 рубля і 36 капеек).
У сярэднім на 9% вырасце і кошт міжнародных адпраўленняў ЕМЅ (Express Mail Service). Напрыклад, каб адправіць пасылку паскоранай поштай вагой да паўкілаграма ў Расію, з 1 студзеня давядзецца заплаціць ужо 74,7 рубля (цяпер 68,46 рубля).
Падаражэюць на 5-7% і паслугі «паштовага кур'ера»: у залежнасці ад характару паштовага адпраўлення іх кошт будзе вар'іравацца ад 6,72 рубля да 22,08 рубля (было ад 6,24 да 21 рубля).
Вырасце ў цане і адпраўка простай пісьмовай карэспандэнцыі — але толькі міжнародная, бо кошт перасылкі па Беларусі застанецца ранейшым.
Паслаць віншавальную паштоўку замежным сябрам стане на 5,2% даражэй — адпраўленне непрыярытэтнай карткі будзе каштаваць 2,4 рубля (цяпер 2,28 рубля). Мінімальная цана простых лістоў таксама вырасце — на 4,6% да 2,7 рубля (цяпер — ад 2,58 рубля).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары