Закрываецца адзін з самых дарагіх мінскіх рэстаранаў. Ім кіравала сям'я Зінгмана
Мінскі рэстаран Falcone аб'явіў у сацсетках пра сваё закрыццё. Гэтым рэстаранам кіравала сям’я Аляксандра Зінгмана — чалавека, цесна звязанага з Віктарам Шэйманам аперацыямі ў Афрыцы.
У сацсетках установы з'явілася такое паведамленне:
«З вялікім смуткам мы паведамляем вам, што наш рэстаран Falcone закрываецца.
Дзякуй кожнаму з вас, што былі з намі на працягу 17 гадоў! Нашы кухары гатавалі для вас з любоўю! Сэрвіс хацеў дагадзіць кожнаму госцю. Мы шчыра дзякуем усім вам за выдатныя моманты, якія мы перажылі разам.
На працягу многіх гадоў вы рабілі нашы вечары асаблівымі, і мы заўсёды будзем памятаць вашы ўсмешкі і радасць, якімі вы дзяліліся з намі. Калі ласка, заставайцеся з намі ў сацыяльных сетках або па электроннай пошце, каб мы маглі дзяліцца з вамі сваімі новымі праектамі ў будучыні».
Рэстаран італьянскай кухні Falcone (у перакладзе з італьянскага азначае «Сокал») адкрыўся ў Мінску на вуліцы Караля ў 2007 годзе, нагадвае Blizko.by. Шэф-поварам рэстарана быў Вячаслаў Фядзюк.
Рэстаран праславіўся як месца з адным з самых высокіх цэннікаў. Напрыклад, у меню можна знайсці ялавічыну Вагю з падліўкай «Джэк Дэніелс» — яна каштавала роўна 500 рублёў.
Праўда, не ўсе стравы былі такія дарагія. Напрыклад, можна было знайсці супы па 10 рублёў або дэсерты па 8 рублёў, а бульбяное пюрэ за 7.
У 2015 годзе рэстаран трапіў у публічны скандал, калі ў сацсетках установы з'явілася фота дзвюх жанчын ва ўзросце з подпісам «Фальконе самы дарагі рэстаран? Ды ладна, вось вам адваротны доказ». Беларусы палічылі такое стаўленне хамствам, бо па ўзросце наведвальнікаў нельга рабіць ніякіх высноў пра іх заможнасць і плацежаздольнасць.
Кіравала рэстаранам сям’я Аляксандра Зінгмана — чалавека, цесна звязанага з Віктарам Шэйманам аперацыямі ў Афрыцы.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары