Цяжарную мінчанку затрымалі на мяжы пры вяртанні з Літвы за абразу Кубракова
Канал сілавікоў пахваліўся затрыманнем цяжарнай 31-гадовай жанчыны. Яе ўзялі пры вяртанні з Літвы ў Беларусь. Вінавацяць у абразе міністра ўнутраных спраў Івана Кубракова.
Паводле сілавікоў, жанчына ў 2020-м пакінула абразлівыя каментары ў адрас міністра ўнутраных спраў Івана Кубракова. Каб пазбегнуць пераследу, сцвярджаюць сілавікі, яна з'ехала ў Літву.
За мяжой жанчына зацяжарыла і вырашыла вяртацца на радзіму. Па версіі сілавікоў, «бо менавіта ў Беларусі аказваецца вялікая дзяржаўная падтрымка і выплачваецца вялікая дапамога па цяжарнасці і родах».
Як толькі жанчына перасекла мяжу, яна была затрыманая, справаздачацца міліцыянты.
Што з ёю цяпер, невядома. Сілавікі апублікавалі заблюранае фота, на якім жанчына з вялікім жыватом стаіць каля сцяны.
Каментары