Выйшаў на свабоду 76-гадовы Сямён Добкін, брат заснавальніка EPAM
Кіраўніку брэсцкай кампаніі ГСКБ прысудзілі 6,5 года калоніі строгага рэжыму, але ён апынуўся на волі прыблізна праз год зняволення.
Як стала вядома «Нашай Ніве», 76-гадовы бізнэсмен Сямён Добкін вярнуўся на працу ў брэсцкую кампанію ГСКБ.
Брат заснавальніка EPAM Аркадзя Добкіна быў арыштаваны ў снежні 2023 года. У верасні 2024 года яму прысудзілі 6,5 года зняволення. Афіцыйнае абвінавачванне — атрыманне хабару.
Сутнасць абвінавачання і акалічнасці справы невядомыя — як і ўмовы датэрміновага вызвалення.
Бізнэс Сямёна Добкіна, прадпрыемства ГСКБ, з'яўляецца найбуйнейшай цеплатэхнічнай кампаніяй на тэрыторыі Беларусі.
Кампанія выпускае воданагравальныя і паравыя катлы на вадкім і цвёрдым паліве, гарэлкі, утылізатары, блочна-модульныя кацельні і іншае інжынернае абсталяванне для жыллёва-камунальных гаспадарак, а таксама будаўнічых арганізацый і іншых суб'ектаў сацыяльнага прызначэння.
Аркадзь Добкін жыве ў ЗША, ён не вяртаўся ў Беларусь з таго часу, як Лукашэнка назваў яго «дробкіным» і абвінаваціў у фінансаванні пратэстаў.
«Наша Нiва» — бастыён беларушчыны
ПАДТРЫМАЦЬ
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары