Па выніках выбараў кіраўніцтва Нацыянальнага алімпійскага камітэта ў выканкаме не аказалася сенатара і трэнера Колі Лукашэнкі.
Прэзідэнтам Нацыянальнага алімпійскага камітэта на новы тэрмін быў перавыбраны Віктар Лукашэнка. Цікава, што яго выбралі не аднагалосна: 82 члены НАК прагаласавалі за, двое выступілі супраць, яшчэ тры ўстрымаліся.
У новы склад выканкама НАК не ўвайшоў сенатар і трэнер Колі Лукашэнкі Дзмітрый Баскаў. Дарэчы, Міжнародны алімпійскі камітэт і раней не прызнаваў членства Баскава ў выканкаме.
У снежні 2020 года паплечнік Лукашэнкі, звязаны з збіццём і затрыманнем Рамана Бандарэнкі, быў адхілены ад усіх мерапрыемстваў МАК і Алімпійскіх гульняў. Аналагічныя санкцыі былі ўведзеныя і адносна Аляксандра і Віктара Лукашэнкі: за тое, што НАК не толькі не абараняў спартсменаў ад палітычна матываванага пераследу, але і ўдзельнічаў у рэпрэсіях.
З ранейшых членаў выканкама, акрамя Баскава, у новы склад не ўвайшлі дырэктар стадыёна «Дынама» Аляксандр Бут-Гусаем і дырэктар Нацыянальнага антыдопінгавага агенцтва Дзяніс Мужухін.
Месцы ў кіруючым органе, акрамя Віктара Лукашэнкі і яго віцэ-прэзідэнта Дзмітрыя Даўгалёнкі, атрымалі алімпійскі чэмпіён па гандболе і давераная асоба Лукашэнкі на мінулых выбарах Андрэй Барбашынскі, кіраўнік федэрацыі хакея Аляксандр Багдановіч, вядомая ў мінулым біятланістка Алена Зубрылава, дырэктар РНПЦ спорту Ірына Маляваная, кіраўнік федэрацыі настольнага тэніса Аляксей Пракаповіч, зорны ў мінулым гандбаліст, а цяпер кіраўнік федэрацыі тэніса Сяргей Рутэнка, старшыня федэрацыі барацьбы Алім Селімаў, былая мастацкая гімнастка Любоў Чаркашына і кіраўнік федэрацыі веласіпеднага спорту Наталля Цылінская.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць2
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары